ଚାଖଣ୍ଡେ ପେଟ

ଆସ ବନ୍ଧୁ ଆସ..

ଦେଖୁବାକୁ ଯିବା

 ଚାଖଣ୍ଡେ ପେଟର ଚବିଶି ଘଣ୍ଟିଆ ସର୍କସ,

ଗୁଣ୍ଡେ କି ଦି ଗୁଣ୍ଡା ଭାତ, କଞ୍ଚା ଲଙ୍କା ପଚା ପିଆଜ ଟିପେ ଲୁଣର ଗଦ୍ୟ ଅଂଶ l

ଅଭିଆଡି ଝିଅ, ଭୁଆସୁଣି ବୋହୁ ଵି ଗୋଟାଏ ଖେଳର କଳାକାର

ଘିରି ଘିରି ଚକା ଭଉଁରି ଖେଳି ଦେଖlନ୍ତି ଦେହ ସମାସ,

ଯଦି କେବେ ମନେ ପଡ଼େ

 ସାତ ପୁରୁଷ ଭିଟାମାଟିର ଭୂରୁ ଭୂରୁ ବାସ

ଆଖି ଆଗେ ନାଚି ଉଠେ ବର୍ଷେ କି ଦି ବର୍ଷିଆ ନାଗଫାଶ,

ମୁକୁଳିବା ଭାରି କଷ୍ଟ

ଭୁଲାଏ ତିରନ୍ତିଆ ଭୋକ ତୁହା କୁ ତୁହା ଶୋଷ l