ଚାହା କପରେ ଜୀବନ

ଆଜିକାଲି ବଦଳି ଗଲାଣି ସମୟ

ରିମଝିମ ବେସୁରା ତାଳରେ

ମନ୍ଦମନ୍ଦ ବରଷାର ଛନ୍ଦ

ଅମାନିଆଁ ଋତୁ ବହୁରୂପା

ଛଟପଟ ହୁଏ ମନ

ଉଜାଗରେ ପାହିଯାଏ ରାତି

ହଜି ହଜି ଯାଉଅଛି

ଆଖିରୁ ସପନ ।

ଯଥେକଷ୍ଟେ ଚଳୁଥିଲା କମଚିନି

ଏବେ ବେଶି ରକ୍ତରେ ଶର୍କରା,

ବିନା ଚିନି ଚାହା ଢୋକି

ଅଳସୁଆ ସକାଳ ଓ ସଞ୍ଜ

ରଙ୍ଗହୀନ ଜୀବନ ବିବର୍ଣ୍ଣ ।

ଘନ ଅନ୍ଧକାର ଚିରି

ଆକାଶରେ ଜହ୍ନ ତାରା ପରି

ଚକମକ ଦିଶୁଥାଏ ପ୍ରିୟା ତୁମ ମୁହଁ

ଆସ ତୁମେ ନିୟମିତ

ହାତେ ଧରି କପେ ଚାହା

ତାଜା ତାଜା ଆବେଗ ଉଷୁମ ।

ପାଖେ ବସି ମନଖୋଲି

ଦୁଇପଦ କଥାହେଲେ

ଅଳ୍ପ ଅଳ୍ପ ହସିଦେଲେ

ମିଳି ଯାଏ ସାହା ଓ ଭରସା

ଘୁଞ୍ଚିଯାଏ ଦୁଃଖ ଦୁର୍ବିସହ,

ସାଥୀ ତୁମ କାଉ°ରୀ ପରଶେ

ତରଳେ ବରଫ ଦେହ

ମୃଦୁମନ୍ଦ ପ୍ରବହେ ମଳୟ

ସ୍ୱପ୍ନ ନୁହେଁ,

ଜୀବନ ସଙ୍ଗୀତ ତୁମେ

ଚିରନ୍ତନ ପ୍ରେମ ମଧୁମୟ ।