ଚାଚା ସାନ୍ତାକ୍ଳସ୍

ଆସଆସ ଆସ ଆସ ପିଲାମାନେ ଆସ

ସରଗରାଇଜୁ ଆସିଛି ଚାଚା ସାନ୍ତାକ୍ଲସ୍ l

ନାଲିଆ ପଗଡ଼ି ମୋର ଲମ୍ବା ଧଳାଦାଢ଼ି

ଲାଲ କୁର୍ତ୍ତା, ଚପ ପାଇ ପିନ୍ଧିଛି ମୁଁ ଭିଡ଼ି l

ଖେଳଣା,କଣ୍ଢେଇ,ଚକଲେଟ,ମିଠାସିଠା

କୁକ୍କୁଟ,ମୟୁର,ହାତୀ,ଭାଲୁ,ସିଂହ,ଚିତା l

ସୁନ୍ଦର ସୃଷ୍ଟିରେ ମୋର କୁନା,କୁନି ଭାଇ

ଈଶ୍ୱରଙ୍କ କାର୍ଯ୍ୟ କର ତାଙ୍କୁ ଏକା ଧ୍ୟାୟି l

ଉପହାର ଘେନି ଯାଅ ଆସ ଆସ ପିଲେ

ବଡ଼ ହୁଅ ଭଲବିଦ୍ୟା ସାଧୀ ଅବହେଳେ l

ସଦା ମତି ଦେଇ ଥିବ ପର ଉପକାରେ

ଗୁରୁଜନେ ପୂଜା କରୁ ଥିବ ଭକ୍ତି ଭରେ ।

ମୁଖେ ନକହିବ କେବେ ମିଥ୍ୟା କୁବଚନ

ତୋଷୁ ଥିବ ଜନେ କହି ବିନୟ ବଚନ l

ଅଳସ ତେଜି ସର୍ବଦା କର୍ମେ ମନଦେବ

କରୁଣାମୟ ପ୍ରଭୁଙ୍କୁ ଧ୍ୟାନେ ବାନ୍ଧି ଥିବ l

ସ୍ୱର୍ଗ ରାଜ୍ୟରୁ ଆସିବି ଆସନ୍ତା ବରଷ

ମନେରଖିଥିବ ବାର୍ତ୍ତା ଚାଚା ସାନ୍ତାକ୍ଳସ୍ l