ପ୍ରତୀକ୍ଷା
ପ୍ରତୀକ୍ଷା
ଭଙ୍ଗା ଏଇ ମନକୁ ରଙ୍ଗାଇଛି
ଆଜି ତୁମ ଲାଗି ସାତ ରଙ୍ଗେ
ଚାହିଁ ରହିଅଛି ତୁମ ଫେରିବାର
ପଥ କି ଗଭୀର ଅନୁରାଗେ!!
ମନ ଚିନ୍ତଇ ତୁମକୁ ଅନବରତ
ତୁମ ସ୍ମୃତି ସଦା ଅଲିଭା ଅକ୍ଷତ
ପ୍ରତୀକ୍ଷା ମୋହର ଅସୀମ ଅନନ୍ତ
ପୀରତି ଆମର ନିର୍ଲୋଭ ଶାଶ୍ୱତ!!
ଦିନ ପରେ ଦିନ ବିତେ ବର୍ଷ ପରେ ବର୍ଷ
ପାଣି ପରି ବୋହି ଚାଲେ ସମୟର ଚକ
ତୁମ ପଥ ଚାହିଁ ହରାଇଛି ଆଖିର ଚମକ
ଲେଉଟାଣି ପାଇଁ ମନ ପ୍ରାଣ ଉତ୍କଣ୍ଠିତ!!
ତୁମ ପ୍ରତୀକ୍ଷାରେ ସୁଦୂର ପ୍ରବାସେ
ବିରହର ଦାବାନଳରେ ଚିରକାଳ
ଅହର୍ନିଶି ଝୁରି ମରଇ ଚାତକ ସମ
ତୁମର ଅସଫଳ ବାପୁଡ଼ା ପ୍ରେମିକ!!