ଜୟ ପ୍ରଭୁ ଦୁଷଣାରି

ଜୟ ଜୟ ରାମ କୌଶଲ୍ୟା ନନ୍ଦନ 

     ଜୟ ଜୟ ଧନୁର୍ଦ୍ଧର l

ଘୋର ଜନସ୍ଥାନେ ଶୁଭିଲା ସଘନେ 

    ତୁମ୍ଭ କାର୍ମୁକ ଟଙ୍କାର ll

ସେ ଧନୁ ନିର୍ଘୋଷ ଶୁଭି ଶତକୋଷ 

    ଜନସ୍ଥାନ ଗଲା ଥରି l

ଭ୍ରାତା ଶ୍ରୀ ଲକ୍ଷ୍ମଣ ହସ୍ତେ ଧନୁର୍ବାଣ 

   ସଙ୍ଗେ ସୀତୟା ସୁନ୍ଦରୀ ll

କାର୍ମୁକନିର୍ଘୋଷେ କମ୍ପିଲେ ରାକ୍ଷସେ 

    ମନେ ପାଇ ବଡ଼ ଦକା l

କେଉଁଠୁ ଆଇଲେ ଆରେ ଏ ଜଟିଆ 

   ବ୍ରହ୍ମଚାରୀ ଦୁଇଟୋକା ll

ଲକ୍ଷ ଲକ୍ଷ ରକ୍ଷ ହୋଇଲେ ଅରକ୍ଷ

   &

Advertisement

nbsp; ସ୍ୱର୍ଗୁ ବର୍ଷଇ ସୁମନ l

ମହା ବଳବନ୍ତ ବେନି ଦୈତ୍ୟ ହତ 

    ନିର୍ବୋଧ ଖର ଦୁଷଣ ll

ନାମ ବହି ଅଛ ପ୍ରଭୋ ଦୁଷଣାରି 

    ଦୁଷଣ ସଂହାରକାରୀ l

ନିଘଞ୍ଚ କାନନେ ଆହେ ଦୟାମୟ 

  ସୀତା ଗଲେ ପୁଣି ଚୋରି ll

ଜୟ ଜୟ ରାମ, ଶ୍ରୀ ରଘୁନନ୍ଦନ 

   ସତ୍ୟସନ୍ଧ ମହାବୀର l

ଆହେ ରାବଣାରି ରାବଣକୁ ମାରି 

   ଜାନକୀ କଲ ଉଦ୍ଧାର ll

ଜୟ ରମ୍ୟ ରାମ, ନୟନାଭିରାମ 

   ତୁମ୍ଭେ ହେ ସତ୍ୟ ସୁନ୍ଦର l

ପିତୃସତ୍ୟ ପାଳି ବନେ ଗଲ ଚଳି 

   ପଦେ କରେ ନମସ୍କାର ll