ଗାନ୍ଧୀଙ୍କ ତିନି ମାଙ୍କଡ଼

ଗାନ୍ଧୀ ଜୟନ୍ତୀ ଗାନ୍ଧୀ ଜୟନ୍ତୀ l

   ଗାନ୍ଧି ମରତରେ ଆଉ ନାହାଁନ୍ତି ll

ତିନି କଥା କହୁ ଅତି ସୁନ୍ଦର l

   ଗାନ୍ଧୀଙ୍କର ଆମ୍ଭେ ତିନି ବନ୍ଦର ll 

ପ୍ରଥମ ବନ୍ଦର ପାଟି ମୋ ବନ୍ଦ l

   ଭଲ ଛଡ଼ା ମୁହିଁ ନକହେ ମନ୍ଦ ll

ଦିତୀୟରେ ମୁହିଁ ଆଖି ବୁଜିଛି l

   ମନ୍ଦକଥା ମୁହିଁ ନଦେଖେ କିଛି ll 

ତୃତୀୟ ବନ୍ଦର ବନ୍ଦ ମୋ କାନ l

   ଭଲ କଥା ଶୁଣ ମନ୍ଦ ନ ଶୁଣ ll

ଭଲକଥା କହି ମୋହିବ ମନ l

   ମନ୍ଦକଥା ତୀକ୍ଷ୍ଣ ବାଣ ସମାନ ll

ମନ୍ଦକଥା ଦେଖି ବୁଜିବ ଆଖି l

  ନହୋଇବ ମାନି ଜାବିନି ସାକ୍ଷୀ ll

ମନ୍ଦକଥା କେବେ ନଶୁଣ କର୍ଣ୍ଣେ l

   କର୍ଣ୍ଣ ଡେରିଥିବ ସାଧୁ ବଚନେ ll

ତିନି ମାଙ୍କଡ଼ଙ୍କ ତିନୋଟି କଥା l

  ଭାଇମାନେ ସଦା ମନେ ରଖିଥା ll

ବିପଦ ଆପଦ ଅବା ବିବାଦ l

   ପଡ଼ିବନି ଭାଇ କେବେ ପ୍ରମାଦ ll

ମାଙ୍କଡ ଖାଇଲେ କାଙ୍କଡ଼ କଷି l

    ଆମେ ତିନି ହନୁ ବସିଛୁ ରୁଷି ll