ଚା କପ ରୁ ଉଠୁଥିବା ଧୁଆଁ
ଚା କପ ରୁ ଉଠୁଥିବା ଧୁଆଁ
ଚା କପ ରୁ ଉଠୁଥିବା ଧୁଆଁ କହିଯାଏ
ମୋ ମନ ଭିତରେ ଥିବା
କିଛି ଭିତିରି କଥା ଆଉ ବ୍ୟଥା
ହୃଦୟ ମଧ୍ୟେ ଆବଦ୍ଧ ଥିବା
ବହୁତ୍ କିଛି ଅକୁହା ଯନ୍ତ୍ରଣା ଓ ଭାବନା ।।
ଅନୁଭବ ଯଦି କରି ପରୁଛ କର
ବୁଝି ପାରୁଛ ଯଦି ତେବେ ବୁଝ
ଉପଶମ ଯଦି ପାରୁଛ କରି
ତେବେ ଅବିଳମ୍ବେ କର ।।
ତୁମ ଅପେକ୍ଷାରେ ଏ ଗରମ୍ ଚା
ଆଜି ହୋଇଯାଇଛି ଥଣ୍ଡା
ଏ ଚା ର ଧୁଆଁ ମଧ୍ୟ ମିଳେଇ ଯାଇଛି
ମିଶିଯାଇଛି ବାୟୁ ସଙ୍ଗେ ହୋଇ ଅଦୃଶ୍ୟ
ଆଉ ଥରେ ଏ ଧୁଆଁ ନ ଫେରି ପାରିବ
ଯାହା ଥରେ ହଜେଇଦେଲା ନିଜ ଅସ୍ତିତ୍ଵ
ତୁମ ଫେରିବା ମଧ୍ୟ ଏ ଧୁଆଁ ସଙ୍ଗେ ସମ
ନାହିଁ ଆଉ କିଛି ଭାବନା କି ସେ ସରାଗ
ଯାହା କିଛି ଥିଲା ସବୁ ମିଳେଇ ଗଲା ।