ସ୍ବପ୍ନ ଓ ରହସ୍ୟ

ସବୁ ସ୍ବପ୍ନ ପଛରେ ଲୁଚି ରହିଥାଏ

ଏକ ରହସ୍ୟ ଯାହା ଅଜ୍ଞାତ

କେବେ ଉନ୍ମୋଚିତ ହୁଏ ଏ ରହସ୍ୟ 

ଆଉ କେବେ ଏ ରହସ୍ୟ 

ରହି ଯାଏ ରହସ୍ୟ ହୋଇ ।। 

ଅନେକ ସ୍ବପ୍ନ ବାସ୍ତବତାର ପ୍ରହାରେ

ହୁଏ ଚୁନା ଚୁନା , ହରାଏ ଅସ୍ତିତ୍ବ

ସବୁ ସ୍ବପ୍ନର କେବେ ହୁଏନି ପୂର୍ଣ୍ଣାହୁତି ।।

ସ୍ବପ୍ନ ରହସ୍ୟର ମାୟାଜାଲରେ

ଏବେ ବି ଆମେ ସମସ୍ତେ ବନ୍ଦୀ 

ଗଭୀର ନିଦ୍ରା ଆଉ ରାତ୍ରିର ଦୁନିଆ

ମନ କେଉଁଠି ଥାଏ କେ କହି ପରେ ?

କେତେ ଯେ ରାଇଜ ବୁଲି ଆସେ

ବିନା ଆଲୋକେ ବିନା ଗାଡ଼ିରେ

ବିନା ବାଧା ବିନା ବିଘ୍ନେ 

କୁଆଡେ଼ କେଉଁ ଅଜଣା ଅଚିହ୍ନା ଦୁନିଆ

ହତ ଚକିତ ହୁଏ ଯେବେ 

ନିଦ୍ରା ଭାଙ୍ଗେ ସ୍ବପ୍ନ ଭାଙ୍ଗେ ।

କି ଛୁଆ କି ଯୁବା କି ବୟସ୍କ

ସମସ୍ତେ ଏ ସ୍ବପ୍ନର ମାୟା ନଗରୀ ରେ

କରନ୍ତି ଭ୍ରମଣ ହୋଇ ଯାଯାବର