ବର୍ତ୍ତମାନ
ବର୍ତ୍ତମାନ
ବର୍ତ୍ତମାନ
ବର୍ତ୍ତମାନ ସୃଷ୍ଟି ସ୍ୱସ୍ତିକର ଚକ୍ର
ନିୟମିତ ସଞ୍ଚାଳିତ
ନିକଟ ଭବିଷ୍ୟ ହେବ ବର୍ତ୍ତମାନ
ଗତକାଲି କୁ ଅତୀତ ।
ବୁଦ୍ଧି ଓ ବିବେକ ରଥୀ ଓ ସାରଥି
ମହାକାଳ ସଂସ୍ଥାପକ
ସମୟର ଗତି ଜୀବନ ଭୂମିକା
ଅଟେ ବଡ଼ ନିର୍ଣ୍ଣାୟକ ।
ଦ୍ରୃତଗତି ଅଟେ ବିପଦ କାରଣ
ଅଗତି ହାନିକାରକ
ହୀନ ମନ୍ଦ ଗତି ନୁହେଁ ଅନୁକୂଳ
ସ୍ୱଚ୍ଛନ୍ଦ ଅଟେ ମଙ୍ଗଳ ।
ସବୁଜ ସୁନ୍ଦର ଶାନ୍ତ ପରିବେଶ
ସାମାଜିକ ସଦ୍ଭାବନା
ବିକଶଇ ମୁକ୍ତ ସୁଗୁଣ ସୈ।ରଭ
ସୁସାହିତ୍ୟ ସୁଚେତନା ।
ସ୍ନେହ ସୁସମ୍ପର୍କ ନିବିଡ଼ ସୁଦୃଢ଼
ବର୍ତ୍ତମାନ କରେ ଥୟ
ହସେ ପରିବାର ସୁଖ ଓ ସୈ।ହାର୍ଦ୍ଦେ
ସୁବିଶ୍ୱ।ସ ହୁଏ ଦୃଢ଼ ।
ଅନିଶ୍ଚିତ ଅବା ଅଥୟ ଅସ୍ଥିର
ଯଦି କାଳ ବର୍ତ୍ତମାନ
ଦୁଃଖ କଷ୍ଟ ଭୋଗ ନଷ୍ଟ ବି ଅଦୃଷ୍ଟ
ଜୀବନଟା ମୂଲ୍ୟହୀନ ।
ଅଜଗର ପ୍ରାୟ ଆଳସ୍ୟତା ହିଂସା
ସମାଜର କରେ କ୍ଷତି
ସ୍ୱ।ର୍ଥ ସିଦ୍ଧି ପାଇଁ ମନୁଷ୍ୟ ନହେଉ
ନିଆଁ ଗିଳା ପ୍ରତିଦ୍ୱନ୍ଦୀ ।
ସୁଷମ ସୁଲଭ ପ୍ରଗତି ଓ ନୀତି
ଛୁଇଁ ଯାଉ ପ୍ରତି ପ୍ରାଣ
ବିକଶୁ ଶକତି ସ୍ୱଚ୍ଛ ଦିବ୍ୟ ତେଜ
ଘୁଞ୍ଚୁ ଦାରିଦ୍ର୍ୟ କଷଣ ।
ରଥ ଆଉ ପଥ ହେଉ ସୁରକ୍ଷିତ
ଗୁରୁତ୍ଵପୂର୍ଣ୍ଣ ଜୀବନ
ବର୍ତ୍ତମାନ ହେଉ ନିତ୍ୟ ଚିରନ୍ତନ
ଗତିଶୀଳ ଅନୁକ୍ଷଣ ।