ବର୍ଷା ରାଣୀ

ବର୍ଷାରାଣୀ ପିନ୍ଧି ସବୁଜ ପାଟ ଓଢଣୀ

ଦିଶୁଛ ଝାକାସ ମଉଡମଣୀ

ସାଧବବୋହୂର କଣେଇ ଚାହାଣି

ରିମ ଝିମ ଶବ୍ଦ ତୋଳୁଛି ପାଣି

ତୁମ ଗଭାରେ କେତକୀ କଳା ବେଣୀ

ଡାକନ୍ତି ଥୋକାଏ ଆସ ମାଆ ଦେବୀ ରାଣୀ

ବରଷା ନହୋଇ ଗଡିଆ ପୋଖରୀ ଶୁଖିଗଲାଣି

ପକ୍ଷୀ ପଶୁ ଓ ମଣିଷ ହତାଶ ହେଲେଣି

କଳା ଘୁମର ଦେହରେ ଇନ୍ଦ୍ରଧନୁ ରଙ୍ଗେ ରଙ୍ଗଣୀ

କାଗଜ ନାଆର ଦେହ ସାରା ବିନ୍ଦୁ ବିନ୍ଦୁ ରୋଷଣୀ

ତୁମ ଲାଜୁକି ଆଖିରେ କଜ୍ଜ୍ୱଳ ସବୁ ଧୋଇ ଗଲାଣି

ମେଘ ସଵାରୀରେ ବିଜୁଳି ରୋଷଣୀରେ ବର୍ଷା ଭସାଣୀ

ସାତରଙ୍ଗ ରଙ୍ଗଣୀ ଫୁଲ ଫୁଟି ଗଲାଣି

ଆକାଶ ଉଆସୁ ପାଦ ଧୋଇଦେବ ବେଙ୍ଗୁଲି ରାଣୀ

ହୁଳହୁଳି ସାଥେ ସବୁଜ ସାମିଆନା ବାନ୍ଧେଣୀ

ତୁମ ମଦମତ୍ତ ନହୁଲି ଚାଲିରେ ମୟୂରୀ ବାୟାଣୀ

ରାଜାନନ୍ଦିନୀ ଗୋ ଚାଷୀ ଖୁସି ଦେଖି ହସେ ଘରଣୀ

ଘଡଘଡି ବାଜେ ଚଡ଼ଚଡି ବିଜେ ବିଜୁଳି ଠାକୁରାଣୀ ।।