ବର୍ଷା ଆଉ ମୁଁ

ବରଷି ଯାଉଛି କଳା ବାଦଲରୁ ଟପ୍ ଟପ୍

ଥିରି ଥିରି ପବନରେ କାନ କୁହା କଥା

ଶିହରାଇ ଦିଏ ତନୁ ମନ ।।

ଭାରି ମନେ ପଡୁଛ ତୁମେ

ବର୍ଷା ସନ୍ଧ୍ୟାର ମଳିନ ବେଳରେ ।।

ତୁମର ସେ ଭିଜା ପଣତ

ଭିଜା ଲମ୍ବିତ କେଶ

ସିକ୍ତ ନୟନ ଯୁଗଳ

ହୃଦୟରେ ବିଜୁଳି ମାରି ଚାଲିଯାଏ ।।

ଖାଲି ପାଦରେ ତୁମ ହାତ ଧରି

ତୁମ ସହ ଚାଲିବାର ମଜା

ପଛକୁ ପେଲିଦିଏ ସ୍ମୃତିର କାଚ ଘରକୁ ।।

ଆଉ ଭାବିବାକୁ ବାଧ୍ୟ କରେ ସେଇ ବର୍ଷାରେ

ତୁମର ଚେହେରାକୁ,

ଯାହା ପାଇଁ ମୁଁ, ଆଜି ବି ଚାହିଁଛି

ଅପେକ୍ଷା କରି ତୁମର ଆଗମନକୁ।।