🥀🌷 ବୋଉ 🌷🥀

ଅମୃତ ଠାରୁ ତା   ସ୍ଵାଦ ମଧୁରତା

   ଜଗତେ ଗୋଟିଏ ଡାକ

ଶୁଣି ଦେଲେ ଥରେ ମନ ଗହ୍ୱରରେ

    କୂହୁ ତାନ କରେ ପିକ ।

ବୋଉ କିଏ ଡାକେ ମାଆ କିଏ ଡାକେ

    ଡାକଟି ଲାଗଇ ମିଠା

ବୋଉ ସରାଗରେ ଧନ ଡାକିଦେଲେ

    ଲାଗଇ ତାହାଠୁଁ ମିଠା ।

ତା ରକ୍ତ ମାଂସରେ ଗଢେ ତା ଗର୍ଭରେ

      ମମତାର ପିତୁଳାଟି

ଜୀବନ ଦେଇ ସେ  ମଙ୍ଗଳ ମନାସେ

   କେତେ ଦିଅଁ ପାଦେ ଲୋଟି ।

କୁନି ହାତ ଧରି   ଶିଖାଏ ସେ ଚାଲି

      ବକ୍ଷରୁ ଅମୃତ ଢାଳି

ସ୍ନେହ ମମତାର     ପ୍ରତିଛବି ଟିଏ

    କେ ହେବ ତାହାର ସରି ।

ନୟନ ପିତୁଳା    ହୃଦୟର ତାରା

    ଗଳାରେ ଗଳାର ମାଳି

ଦେଇ ସବୁ ସୁଖ  ମାଗି ନିଏ ଦୁଃଖ

   ସଞ୍ଜେ ସଞ୍ଜବତୀ ଜାଳି ।

ପେଟ ଚିହ୍ନୁ ଥାଏ    ମନ ବୁଝୁ ଥାଏ 

    ମାଆ ଏକା ଥିଲେ ପାଶେ

ରୋଗୀଣା ଶେଯରେ ରହି ଉଜାଗରେ

    କରେ ସେ ସେବା ହରଷେ ।

ଭୂଲେନି ଏ ମନ କେବେ ପିଲାଦିନ

     ମାଆ ବି ଯେଉଁଠି ଥାଏ

ମାଆ ଡାକ ପରା ସଦା ଅପାଶୋରା

    ମଲା ବେଳେ ତୁଣ୍ଡ ଗାଏ ।