ବନ୍ୟ ପ୍ରାଣୀ

ବନ୍ୟ ଜୀବଜନ୍ତୁ ପଶୁ ପକ୍ଷୀ ଆଦି

ବନ୍ୟ ପ୍ରାଣୀ ବୋଲି କହି

ପ୍ରକୃତି କୋଳରେ ଆନନ୍ଦ ମନରେ

ସଭିଏଁ ଥାଆନ୍ତି ରହି ।

ତାଙ୍କରି ହେତୁରୁ ପରି ବେଶ ଆମ

ନିତି ହସି ଉଠୁ ଥାଏ

ଦେଖି ଦେଖି ତାଙ୍କୁ କେତେ ଖୁସି ଲାଗେ

ତୃପ୍ତି ଶୀହରଣ ଉଠେ ।

ପ୍ରକମ୍ପିତ ହୁଏ କ୍ରମେ କ୍ରମେ ଭୟ

ଆନନ୍ଦ ଉଲ୍ଲାସ ସହ

ଉଦ୍ଦୀପନା ପୂର୍ଣ୍ଣ ସ୍ପନ୍ଦନ ପୁଲକ

ଜାଗୁ ଥାଏ ଅହ ରହ ।

ଆମ ପରି ବେଶ ସବୁଜ ସୁନ୍ଦର

ପ୍ରାକୃତିକ ଶୋଭା ଭରା

ରହି ଥାଏ ଏହି ବନ୍ୟ ପ୍ରାଣୀ ହେତୁ

ସୁରକ୍ଷିତ ରହେ ଧରା ।

ବିଶୁଦ୍ଧ ବାୟୁ ଓ ବର୍ଷା କରି ବାରେ 

ହୋଇ ଥାନ୍ତି ସହାୟକ

ପରିପୂର୍ଣ୍ଣ ବିଭା ଉତ୍ସବ ମୁଖର

ରହଇ ଏହି ଭୁଲୋକ ।

କେତେ ଉପକାରୀ ଅଟନ୍ତି ସେ ମାନେ

ତାଙ୍କରି ସୁରକ୍ଷା ପାଇଁ

ପ୍ରଯତ୍ନ ନ କରି ନିତି ଦିଏ ମାରି

 ମଣିଷ  ଯେ ଶତ୍ରୁ ଜାଣି ।

ଜାଣି ନ ପାରଇ ତାହାଙ୍କ ର ପାଇଁ 

ରହେ ପରିବେଣ , ବଣ

ସୃଷ୍ଟି ସନ୍ତୁଳନ ରକ୍ଷା ପାଇଁ ସଦା

କରନ୍ତି ସେ ନାନା କାମ ।

ସେହି ମାନେ ସିନା ସବୁଠି ଉତ୍ସବ

ମୁଖର କରନ୍ତି ଧରା 

ଜୀବନେ, ଜୀବନେ ସୃଜନ୍ତି ସେ ମାନେ

ଆନନ୍ଦ ଉଲ୍ଲାସ ଧାରା ।

 ପବିତ୍ର ଉତ୍ସାହ ଜାଗୃତି ଭଣ୍ଡାର

ଭରି ଦ୍ୟନ୍ତି ଜନ ମନେ

ଆପେ ପଶୁ ସାଜି ମଣିଷ ମାରଇ

ପଶୁ ଭାବି ତାଙ୍କୁ ମନେ ।

ମଣିଷ ଯେ ହିଂସ୍ର ପଶୁଠୁ ବର୍ବର 

ଧ୍ଵଂସ କରେ ପରି ବେଶ

ସଭିଙ୍କ ର ପ୍ରାଣ ରଜ୍ଜୁ ରେ ଯେ ବନ୍ଧା

ଜୀବ ଜଗତ ର ଶ୍ୱାସ ।

ଜାଣି ସେ ନ ପାରେ ବନ୍ୟ ପ୍ରାଣୀ ନାଶେ

ମନ ରୁ ତେଜି ସଂଶୟ

ଲୁପ୍ତ ହୁଏ ବନ  କାନ୍ତାର ଅରଣ୍ୟ

ଘଟିବ ଦିନେ ପ୍ରଳୟ ।