ବଞ୍ଚିବାର ଅଛି

ସଭିଙ୍କର ବଞ୍ଚିବାର ଅଛି ଏଇ ବିଶାଳ ଦୁନିଆ ବୁକୁରେ

ମଥା ଟେକି ଗୌରବରେ ସୁଖ ସ୍ୱଚ୍ଛନ୍ଦ ଆନନ୍ଦରେ

ତେବେ କିଆଁ ଆଜି ଏଠି ମଣିଷ ମଣିଷ ଭିତରେ

ହୋଇଛି ଠିଆ ଅସମାନତାର ଅଲ୍ଲଂଘନୀୟ ପ୍ରାଚୀର?

କେବେ ଭାବିଛ କି ଆପଣା ଖିଆଲି ମନରେ ଥରେ

ଯେଉଁ ସମ୍ବିଧାନ ସର୍ବୋଚ୍ଚ ନ୍ଯାୟ ଶାସ୍ତ୍ର ପ୍ରଦାନ କରିଛି

ପ୍ରତିଟି ମଣିଷକୁ ବଞ୍ଚିବା ପାଇଁକି ସମାନତାର ଅଧିକାର

ତେବେ କାହିଁ ପାଇଁ ପୁଣି ଚାଲେ ଏଠି ଅନ୍ଯାୟ ବିଚାର?

ଯେବେ ବିଧାତା ଗଢିଛି ସଭିଙ୍କୁ ସମାନ ଭାବରେ

ସମାଜ କାହିଁକି କରଇ ପାତର ଅନ୍ତର ବାଛବିଚାର

ମଣିଷ ତ ମଣିଷ ପୁଣି କିଆଁ ଏତେ ଶ୍ରେଣୀ ବିଭାଗ

ଛଡ଼ାଇ ନେଇଛି ସଗୌରବେ ବଞ୍ଚିବାର ଅଧିକାର?

ତମାମ ସମସ୍ଯା ସତ୍ତ୍ୱେ ତଥାପି ଅଛି ଆମକୁ ବଞ୍ଚିବାର

କiରିବାକୁ ହେବ ଲଢ଼େଇ ଲଭିବାକୁ ନାର୍ଯ୍ୟ ଅଧିକାର।