ବନ୍ଦଇ ଶ୍ରୀକାମପାଳ

         ବନ୍ଦଇ ଶ୍ରୀକାମପାଳ
          ===========
ବନ୍ଦଇ ଶ୍ରୀକାମପାଳ ଧବଳ ମୂରତି l କୁନ୍ଦଇନ୍ଦୁ ଜିଣି ପ୍ରଭୁ ଶୁଭ୍ରମୟ କାନ୍ତି ll ଶିଖାମୁକୁଟରେ ତବ ସଜସପ୍ତଫଣୀ l
ହଳ ମୂଷଳ ଧାରଣ ପ୍ରଭୁ ହଳପାଣି ll ନୀଳାମ୍ବର ପାଟ ତବ ଦିଶଇ ରୁଚିର l ଗଣ୍ଡମଣ୍ଡଳେ କୁଣ୍ଡଳ ଅତୀବ ସୁନ୍ଦର ll କୁବଳୟ ଜିଣି ନେତ୍ର ଆରକ୍ତ ବରନ l କାଦମ୍ବରୀପ୍ରିୟ ସଦାତୁଷ୍ଟ ତବ ମନ ll ରୋହିଣୀଗର୍ଭ ସମ୍ଭୂତ ବସୁଦେବସୂତ l
ନନ୍ଦ ଆନନ୍ଦ ଦାୟକ ମହା ବଳବନ୍ତ ll ଯଦୁକୁଳ ଇନ୍ଦୁ ପ୍ରଭୁ ରେବତୀ ରମଣ l ଲଙ୍ଗଳମୁନେ ହସ୍ତିନା କଲ ଉତ୍ପାଟନ ll
ଯମ ଗର୍ବ ଗଞ୍ଜକ ହେ ଯମୁନାକର୍ଷକ l ପ୍ରଳମ୍ବାରୀ ପ୍ରଳମ୍ବ ଦଇତ୍ୟ ବିମର୍ଦ୍ଦକ ll
ଜୟ ଜୟ ଜୟ ପ୍ରଭୁ ଜୟ ଗଦାଧର l
ତୁମ୍ଭ ଶିଷ୍ୟ ଅନ୍ଧବଳା କୁଇନ୍ତା କୁମର ll
ଖଳ ଦର୍ପଦଳା ଆହେ ରୁକ୍ମ ବିଦାରଣ l ବ୍ରହ୍ମହତ୍ୟାକରି କଲ ତୀର୍ଥପର୍ଯ୍ୟଟନ ll
ବଧ କଲେ ମନ୍ଦ ମତି ଦ୍ୱିବିନ୍ଦ ବାନର l
ଅନନ୍ତ ତବ ମହିମା, ଅସୀମ ଅପାର ll
ଜୟ ଶ୍ରୀ ବ୍ରହ୍ମାଣ୍ଡନାଥ ବଳଭଦ୍ର ସ୍ବାମୀ l ତୁଳସୀକ୍ଷେତ୍ରାଧିପତି ନମାମି ନମାମି ll
             🙏🙏🙏
                 ଅର୍ଜୁନୀ
               -------------
ଅର୍ଜୁନୀ ଚରଣ ବେହେରା
ମୋ -7693091971