ବନ୍ଧୁତ୍ୱ ଦିବସ

ସମ୍ପର୍କ ଭିତରେ ପବିତ୍ର ସମ୍ପର୍କ

   ବନ୍ଧୁତ୍ବ ସମ୍ପର୍କ ଗୋଟି

ବନ୍ଧୁତ୍ବ ମଧ୍ଯରେ କପଟ ଆସିଲେ

   ସମ୍ପର୍କ ହୁଅଇ ମାଟି ।

ବନ୍ଧୁତ୍ବ ଅଟଇ ଅମୂଲ୍ଯ ସମ୍ପଦ

   ଏଇ ମାଟି ବୌକୁଣ୍ଠରେ

ସମ୍ପର୍କ ଭିତରେ ନିବିଡତା ହେଲେ

   ଆନନ୍ଦର ସୁଧା ଝରେ ।

ପାଠ୍ଯପୁସ୍ତକରେ ରାଜପୁତ୍ର ଭାଲୁ

   ବନ୍ଧୁତ୍ବ ଅମର ଗାଥା 

ଠକ ରାଜପୁତ୍ର ଗଛୁ ପେଲିଦେଲା

   ଶୁଣି ଘୂରିଯିବ ମଥା ।

ପଶୁକୂଳେ ଯାତ ଭାଲୁ ବୁଝିଥିଲା

   ବନ୍ଧୁତ୍ବ ମାନ ମହତ 

ଅବିଶ୍ବାସି ନର ବୁଝିପାରିଲାନି

   ବିଶ୍ବାସର କଲା ହତ ।

ଭାଲୁ ଅଭିଶାପେ ବନ୍ଧୁଦ୍ରୋହି ନର

   ବୁଲିଲା ପାଗଳ ପ୍ରାୟ 

ବନ୍ଧୁଦ୍ରୋହି ଜନ ପାଏନା ଆଦର

   ନର୍କେବାସ ତାର କାୟ ।

ଏକଥା ସ୍ମରଣ ରଖ ସାଧୁ ଜନେ

   ହେବ ନାହିଁ ବନ୍ଧୁଦ୍ରୋହି 

କୃଷ୍ଣ ସୁଦାମାଙ୍କ ନିବିଡ ବନ୍ଧୁତ୍ବ

   ପୁରାଣରେ ଅଛି ରହି ।

ଭଗବାନ କୃଷ୍ଣ ଗରିବ ସୁଦାମା

   ପ୍ରିୟ ଅନ୍ତରଙ୍ଗ ବନ୍ଧୁ 

ଜଣଙ୍କ ପାଦରେ କଣ୍ଟାବିଦ୍ଧ ହେଲେ

   ଅନ୍ୟର ପ୍ରାଣଟା କାନ୍ଦେ ।

ଆଜିର ମନୁଷ୍ଯ ବୁଝିପାରୁନାହିଁ

   ସମ୍ପର୍କର ମାଧୁର୍ଯ୍ଯତା 

ନିଜ ସୁଖ ପାଇଁ ଗଳେ ଖୁରଦେଇ

   ବନ୍ଧୁତ୍ବ କରଇ ପିତା ।

ଏଇ ଶୁଭ ଦିନେ କରେ ନିବେଦନ

   ରଖିବ ବନ୍ଧୁ ମହତ୍ବ 

ଯୁଗଯୁଗ ପାଇଁ ସ୍ମରଣୀୟ ହେବ

   ରଖିବ ଚିର ବନ୍ଧୁତ୍ବ ।