ବନ୍ଧୁ

ଦୁନିଆ ରେ ମୋର ଲୋଡ଼ା ନାହିଁ କିଛି

ହୀରା,ନୀଳା, ଘୋଡା,ହାତୀ,

ଲୋଡ଼ା ମୋର ଖାଲି ଜଣିଏ ମାତର

ଅତି ଆପଣାର ସାଥି ।

ବିପଦ ବେଳରେ ଥିବ ଯଦି ମୋର

ଭଲ ବନ୍ଧୁଟିଏ ସାଥେ,

କାହିଁକି ଡରିବି ଦୁରୁଗମ ପଥ

ଚାଲିବାକୁ ଦୂର ଯେତେ ।

ଅବାଟରେ କେବେ ଚାଲିଗଲେ ମନ

ଶୁଣାଇ ଧରମ କଥା,

ପାଶେ ପାଶେ ଥିବ ବିପଦ ବେଳରେ

ଧରି ସମ୍ପଦର ଛତା ।

ସ୍ନେହ ଶରଧାର ସିଏ ଗୋଟେ ଶାଖା

ତା'ଛାଇରେ ମିଳେ ସୁଖ,

ତା'ପାଖରେ ସବୁ ବଖାଣି ବସିଲେ

ଘୁଞ୍ଚିଯାଏ ଯେତେ ଦୁଃଖ ।

ଯେତେ ଥିଲେ ଥାଉ ବୁଦ୍ଧି ଅବା ବଳ

ଅସ୍ତ୍ର,ଶସ୍ତ୍ର,ଜ୍ଞାନ,ଧନ,

ଅସଲ ବେଳରେ ସବୁ ହଜିଯିବ

କିଛି ରହିବନି ସନ ।

ତେବେ ଆସ ଭଲ ବନ୍ଧୁଟେ ଖୋଜିବା

ସୁଖ,ଦୁଃଖ ବାଣ୍ଟିବାକୁ,

ବନ୍ଧୁ ଠାରୁ ଭଲ ସମ୍ପତ୍ତିବା କା