ବନ୍ଧୁ ତ ବନ୍ଧୁ ଜଗତବନ୍ଧୁ

 ବନ୍ଧୁ ତ ବନ୍ଧୁ ଜଗତବନ୍ଧୁ     
   ============
ବନ୍ଧୁ ତ ବନ୍ଧୁ ଜଗତ ବନ୍ଧୁ
     ତାପରି ବନ୍ଧୁ ନାହିଁ l
 କଳାଠାକୁର ବସିଛି ଦେଖ
    ମେଲାଇ ବାହୁ ଦୁଇ ll
 ଭକତ ବନ୍ଧୁ, କରୁଣା ସିନ୍ଧୁ
      ଭକତ ପଛେ ଥାଇ l
 କ୍ଷୀରର ଲୋଭେ ବାଛୁରୀ ଯଥା
     ଗାଈର ପଛେ ଧାଇଁ ll
 ଭବ ନାୟକ, ଭାବ ବଣିକ
     ଭାବେ ଜଗତ ଛନ୍ଦି l
 ଭାବରେ ପରା ଯଶୋଦା ମାଆ
    ପଘାରେ ଥିଲେ ବାନ୍ଧି ll
 ଭାବରେ ଦିନେ, ବିପ୍ର ସୁଦାମା
     ଚୁଡ଼ାକୁ ଦେଲେ ଖାଇ l
 ପାଦ ଉଦକ ପିଇଲେ ନିଜେ
     ବନ୍ଧୁଙ୍କ ପାଦ ଧୋଇ ll
 ବନ୍ଧୁ ପଣରେ କୋଳାଇ ନେଲେ
         ଯାଜପୁରିଆ ବନ୍ଧୁ l
 ବିଶାଳ ଅଟେ, ତାଙ୍କରି ହିଆ
       ଯେହ୍ନେ ସପତସିନ୍ଧୁ ll
 ଯୁଧିଷ୍ଠି ବୋଲେ ହସ୍ତିନା ଗଲେ
      ହୋଇଲା ବଡ଼ ମଜା l
 ବିଦୁର ଘରେ ଭାବେ ଖାଇଲେ
       ପଖାଳ ଶାଗଭଜା ll
 ମରମ କଥା, ହୃଦୟ ବ୍ୟଥା
       ବୁଝଇ ଡାକି ଡାକି l
 ତାପରି ବନ୍ଧୁ ଜଗତେ ନାହିଁ
       କହୁଛି ଛୁଇଁ ଆଖି ll
 ଆପଣା ପଣେ ତାପରି ଜଣେ
      ଆଉ କେ ଅଛି କାହିଁ l
ତା ପାଖେ ଯଥା ହୃଦୟ କଥା
     ଖୋଲିକି ପାର କହି ll
ଖୋଲି କହିଲେ ଉଭେଇ ଯାଏ
        ଭବ ଯାତନା ସବୁ l
ତା' ପାଖେ ଯିବୁ ଦୁଃଖ କହିବୁ
     ତାଭାବେ ଭାଇ ଥିବୁ ll
 ସୁଖ ଦୁଃଖରେ ଭଲ ମନ୍ଦରେ
      ସେହିଟି ଏକା ସାଥୀ l
ତାନାମ ଭଲେ ତୁଣ୍ଡରେ ଥିଲେ
      ପଳାଏ ଦୁଃଖ ରାତି ll
ସାରା ସଂସାର ଅଟେ ଅସାର
       ସତଟି ଏକା ସେହି l
ତା' ନାମ ଧରି ସଂସାର ତରୀ
      ସୁଖରେ ଯାଏ ବାହି ll
 ହେ ଜଗବନ୍ଧୁ, କରୁଣା ସିନ୍ଧୁ
      ଜଗତେ ପଡ଼େ ଡାକ l
 କୃପା ସାଗର, କରୁଣା ତୋର
       ରଖ ହେ କଳାମୁଖ ll
          🙏🙏🙏
              ଅର୍ଜୁନୀ
            ------------
ଅର୍ଜୁନୀ ଚରଣ ବେହେରା
ମୋ -7693091971