ବିଷ୍ଣୁ-ବରାହ
ବିଷ୍ଣୁ-ବରାହ
ବ୍ଯାସ ବିରଚିତ କଥା ଭାଗବତ
ବର୍ଣ୍ଣଇ ତୃତୀୟ ସ୍କନ୍ଦ
ପ୍ରଳୟ ଜଳରେ ଯାଇଥିଲା ବୁଡି
ସମଗ୍ର ପୃଥିବୀ ଖଣ୍ଡ ।
ଋଷି ଦେବଗଣ କଲେ ନିବେଦନ
ବ୍ରହ୍ମଦେବଙ୍କୁ ପ୍ରାର୍ଥନା
ସାକ୍ଷାତେ ବିଷ୍ଣୁଙ୍କୁ ସମସ୍ତ ବୃତ୍ତାନ୍ତ
ଜଣାଇଲେ ପ୍ରଭୁ ବ୍ରହ୍ମା ।
ଭଗବାନ ବିଷ୍ଣୁ ଚିନ୍ତିଲେ ଉପାୟ
ବ୍ରହ୍ମାଙ୍କ ନାସିକା ଦେଇ
ପ୍ରକଟ ହୋଇଲେ ଅଙ୍ଗୁଷ୍ଠି ଆକାର
ବରାହ ଶିଶୁ ଏକଇ ।
ହୋଇ ବର୍ହିଗତ ଆକାର ବିରାଟ
ଧାରଣ କଲେ ବରାହ
ଉଦ୍ଧରିଲେ ଦନ୍ତେ ମାତା ପୃଥିବୀଙ୍କୁ
ପ୍ରଳୟ ହୋଇଲା ଥୟ ।
ଦୈତ୍ଯ ହିରଣାକ୍ଷ ବଡ ବଳବନ୍ତ
ଆରମ୍ଭିଲା ମହାଯୁଦ୍ଧ
ବିନାଶ କରିଲେ ଆସୁରିକ ବଳ
ହିରଣାକ୍ଷ ହେଲା ବଧ ।
ମାଘ ଶୁକ୍ଳ ପକ୍ଷ ଦ୍ବାଦଶୀ ତିଥିରେ
ବିଷ୍ଣୁଙ୍କ ବରାହ ରୂପ
ପୂଜିତ ହୁଅଇ ସର୍ବତ୍ର ଭକ୍ତିରେ
ଖଣ୍ଡଇ ବିପଦ ଦୁଃଖ ।