ମନର କଥା ସାହିତ୍ୟ ପରିବାର
ମନର କଥା ସାହିତ୍ୟ ପରିବାର
ମନର ଆବେଗ ପ୍ରକାଶ ମାଧ୍ୟମ
ଆମରି ଭାଷା ସାହିତ୍ୟ
ଅନାଦି କାଳରୁ ଧରିକି ସ୍ମୃତିକୁ
ଅବିରାମ ପ୍ରବାହିତ l
ସଂସ୍କୃତି ସଭ୍ୟତା ଭାଷା ନିବିଡ଼ତା
ବହନେ ଜାତିର ବାର୍ତ୍ତା
ପୂର୍ବ ପୁରୁଷଙ୍କ ଯଶ କୀର୍ତ୍ତି କୃତି
ବଖାଣେ ଜୀବନ ସତ୍ତା l
ଜେଜେ ବାପା ମାଆ ଠାରୁ ଶିଖୁ ଭାଷା
ପ୍ରିୟ ସେହି ମାତୃଭାଷା
ଦେଶ ମାତୃକାର ବନ୍ଧନ ଭାବର
ସାହିତ୍ୟ ର ପରିଭାଷା l
ଏବେ ନାହିଁ ନୀତି ଚାହୁଁନା ପ୍ରଗତି
ସାହିତ୍ୟେ ରହୁନି ରୁଚି
ବିଦେଶୀ ଭାଷାର ପ୍ରଚାର ପ୍ରସାର
ଆଦରେ ନେଉଛୁ ବାଛି l
ହେଲେବି ବଞ୍ଚିଛି ବିସ୍ତୃତି ହେଉଛି
ଜନ୍ମି ଭାଷା ସେନାପତି
ଭାଷାର ପ୍ରସାର ପାଇଁକି ତାଙ୍କର
ଦେଉଛନ୍ତି ଦିନରାତି l
ରଞ୍ଜନ ନିହାର ସାହିତ୍ୟ ମନର
ପରିବାର ମଙ୍ଗଧର
ଆମ ପରିବାର ସ୍ନେହ ସମ୍ପର୍କର
ନାହିଁ ତାର ପଟ୍ଟାନ୍ତର l
ମଙ୍ଗଳ ବାରର ଭାବନା ମନର
ପ୍ରକାଶ ସୁଯୋଗ ଦିଏ
ଗୁରୁବାର ଗୀତ ଚିତ୍ର ଆଧାରିତ
ଚିନ୍ତା କରି କବି ଲେଖେ l
ପାଠକ ଆଗ୍ରହ ପାଇଁ ପୁରସ୍କାର
ଉଜ୍ଜ୍ୱଳ ଜ୍ୟୋତିଷ୍କ ମାନ
ମାସର ଶେଷରେ ପ୍ରତିଯୋଗିତାରେ
ଅଂଶୀଦାର ର ସମ୍ମାନ l
ପଥ ପ୍ରଦର୍ଶକ ନିହାର ରଞ୍ଜନ
ଦେଇଥାନ୍ତି ପ୍ରୋତ୍ସାହନ
ହୁଏ ସଂଶୋଧିତ ନେଇ ତାଙ୍କ ମତ
ଲେଖିଥାଏ ଗୀତମାନ l
କାମନା କରୁଛି ଶୁଭଦିନେ ଆଜି
ସାହିତ୍ୟର ହେଉ ଜୟ
ମନର କଥାରେ ସଂସ୍କାରିତ ହେଉ
ସମାଜେ ହଟାଇ ଭୟ l