Library
Profile
ବିଷାକ୍ତ ସହର
ବିଷାକ୍ତ ସହର
ବିକଶିତ ଆମେ ଶିଳ୍ପ ସମୃଦ୍ଧ
ସମାଜ ଅତ୍ୟାଧୁନିକ
କରନ୍ତି ନିବାସ ସହର ଅଞ୍ଚଳେ
ଗ୍ରାମକୁ ଟେକନ୍ତି ନାକ ।
ଦିଶେ ମାଳମାଳ କୋଠା ବହୁତଳ
ରାସ୍ତାଘାଟ ଚକାଚକ
ଝଲସି ଉଠଇ ବିଜୁଳି ଆଲୁଅ
ସିନେମା ହଅଲ ପାର୍କ ।
ଛୁଟୁଥାଏ ସୁଅ ଯାନ ଓ ବାହନ
ବିପଣିମାଳାର ଭିଡ଼
ମଣିଷ ରୂପରେ ଚଳ ପ୍ରଚଳିତ
ସତେ କି ଯନ୍ତ୍ର ରୋବଟ ।
ଆମୋଦ ପ୍ରମୋଦ ଆପଣା କର୍ମରେ
ରହନ୍ତି ସଭିଏଁ ମଗ୍ନ
ଶିଳ୍ପ କାରଖାନା ଦପ୍ତର ଦଉଡ଼
ଜୀବନ ବ୍ୟସ୍ତ ବହୁଳ ।
ଦ୍ରୁତ ଲୋକ ସ°ଖ୍ୟା ବଢୁଛି ସହରେ
ଗ୍ରାମ ଛାଡୁଛନ୍ତି ଲୋକେ
ଜୀବିକା ଅର୍ଜନ ସୁବିଧା ସୁଯୋଗ
ମିଳେ ନାହିଁ ଗ୍ରାମେ ସେତେ ।
ଜୈବି
କ ଚାପରେ କ୍ଷୁଦ୍ର ପରିସ୍ଥାନ
ସହର ଅଣନିଃଶ୍ୱ।ସୀ
ପୂତିଗନ୍ଧମୟ ନାଳ ଓ ନର୍ଦ୍ଦମା
ଆବର୍ଜନା ହୁଏ ବୃଦ୍ଧି ।
ହୁଏ ପ୍ରଦୂଷିତ ସହର ଅଞ୍ଚଳ
ସଙ୍କଟଜନକ ସ୍ଥିତି
ପାନୀୟ ଜଳର ଉତ୍କଟ ଅଭାବ
ଦୁର୍ଘଟଣା ଘଟେ ନିତି ।
ହି°ସା ବଳାତ୍କାର ହତ୍ୟା ଓ ଲୁଣ୍ଠନ
ବୃଦ୍ଧି ପାଏ ଅପରାଧ
କରିହୁଏ ନାହିଁ ସହଜେ ବିଶ୍ୱାସ
ଭଲ କିଏ ଅବା ମନ୍ଦ ।
ଗ୍ରାହକଙ୍କୁ ଠକେ ଅସାଧୁ ବ୍ୟାପାରୀ
ଚାଲଇ କଳାବଜାର
ନିଏ ଚଢ଼ା ଦାମ ଜିନିଷ ଭେଜାଲ
ବିକେ ପଚାସଢା ମାଲ ।
ଆଇନ ଶୃଙ୍ଖଳା ବ୍ୟାହତ ସହରେ
ପୋଡାଜଳା ଧର୍ମଘଟ
ଦିନୁଦିନ ହୁଏ ସଙ୍କଟ ଅଧିକ
ବିଷାକ୍ତ ସ୍ଥିତି ଉତ୍କଟ ।
------
