ବିଲୟ ହୋଇବ

ନିଜ କୁରାଢିରେ ନିଜ ଗୋଡ଼ କାଟେ

ବିପଦକୁ ଆଣ ଟାଣି 

ଜଙ୍ଗଲ କାଟିଲେ ଅନାବୃଷ୍ଟି ହେବ 

ନ ପାଇବ ଟୋପେ ପାଣି ll

ଧୁଉ ଧୁଉ ଖରା ତାତି ମାଡ଼ି ଯିବ

ଚାରି ଆଡେ ହାହାକାର 

ଜୀବନ ବିକଳେ ଛଟପଟ ପ୍ରାଣ

ସେବି ଦୂଷିତ ସମୀର ll

 ଜଳ ବରଷିଲେ ସୃଷ୍ଟି ଯେ ରହିବ 

 ହସିବ ଧରଣୀ ରାଣୀ 

 ନଦୀ ହ୍ରଦ ସିନ୍ଧୁ ଜଳରେ ଭାସିବ

 ହେବ ସବୁଜ ବନାନୀ ll

 ଜଳ ଅଭାବରେ ମରୁଡି ହୋଇବ 

 ଶୁଖିଯିବ ଗଛ ଲତା 

 ଫାଟିଯିବ ମାଟି ବଢ଼ିଯିବ ତାପ

 ନ ରହିବ ଜୀବ ସତ୍ତା ll

 ପରିବେଶ ଆମ ସନ୍ତୁଳନ ପାଇଁ 

 ନ ହୋଇବା ଯଦି ସଜ

 ବିଲୟ ହୋଇବ ଦିନେ ଏ ପୃଥିବୀ 

 ଧ୍ବଂସ ହେବ ପ୍ରାଣୀ ରାଜ୍ୟ ll