ବିଶୃଙ୍ଖଳା ଭାଙ୍ଗି ଦିଏ ସମାଜ

ବିଶୃଙ୍ଖଳା ଭାଙ୍ଗି ଦିଏ ସମାଜ

ବିରଚେ ବିପୁଳ ଅନୀତି କାର୍ଯ୍ୟ ।

ବିଭ୍ରାଟ ଘଟାଏ ଜନ ଜୀବନେ

ବିରଚେ ଆତଙ୍କ ନୀରିହ ମନେ ।

 ବର୍ବରତା, ହିଂସା, ଦ୍ୱେଷ ପ୍ରଭୃତି

ବିପୁଳ ବିକୃତି ସରଜେ ନିତି ।

ବଢ଼ାଇ ଚାଲଇ ସେହି ଅଶାନ୍ତି

ବଢ଼େ ଜନ ମନେ ବହୁ ବିଭ୍ରାନ୍ତି ।

ବନ୍ଧୁତ୍ବକୁ ଭାଙ୍ଗି ରୁଜି ପକାଏ

ବୋକାମୀ ଓ ଭ୍ରଷ୍ଟାଚାର ଜନ୍ମ।ଏ ।

ବଡ ମାନଙ୍କୁ ଦେଖି କି ସାନ ଏ

ବଢାନ୍ତି ଶିଖି କି ମନ୍ଦ ଗୁଣରେ ।

ବହୁ ଅଭିନୟ ଆରମ୍ଭ କରି

ବିଷମ ସମସ୍ୟା ସମାଜେ ଭରି ।

ବଡ ହନ୍ତସନ୍ତ କରି ଚାଲନ୍ତି

ବହୁ ବିଦ୍ଧ କ୍ଳେଶ, ଶୋକ ସୃଜନ୍ତି ।

ବଢ଼ାଇ ଅନିଷ୍ଟ ଚିନ୍ତା ଚେତନା

ବିଶୃଙ୍କଳ କାର୍ଯ୍ୟ, ପାଇଁ ଭାବନା ।

ବ୍ୟବସ୍ଥା ବିଧି, ଓ ବିଧାନ ପାଳି

ବଡ ଅନାଟନ ଥାନ୍ତି ଘଟାଇ ।

ବାଧ୍ୟ ହୋଇ ମନ୍ଦ କାର୍ଯ୍ୟ କରନ୍ତି

ବାଧା ବିଘ୍ନ ଦୁର୍ବିପାକ ଅଶାନ୍ତି ।

ବହୁଳ ଭାବରେ ହୁଏ ଆଦୃତ

ବୋହି ଈର୍ଷା ଘୃଣା ଲୋଭ ଶାସିତ ।

ବଢ଼ାଇ ଦିଅନ୍ତି ବିକ୍ଷୋଭ ନିତି

ବିକ୍ଷୋଭିତ ରୋଷ ବହ୍ନି ଅନୀତି ।

ବିତଣ୍ଡା, ଦୁର୍ନୀତି, ଦାବୀ ବଢ଼ାଇ

ବିଧିତ୍ସା ବିଧ୍ୱଂସ ସାଧନ କରି ।

ବିଦ୍ୱେଷ ବିଦାହୀ କରେ ସମାଜ

ବ୍ୟବସ୍ଥା ବିହୁନେ ଉପୁଜେ ଲାଜ ।

ବିଦୀର୍ଣ୍ଣ ହୁଅଇ ସାଧୁ ହୃଦୟ

ବିବେକ ଅଚିରେ ଘେନେ ବିଦାୟ ।

ବିସଙ୍କମାନ ମନ ହୁଏ ସବୁରି

ବିବ୍ରତରେ ଜନେ ହୁଅନ୍ତି ଘାରି ।

ବିଭୀଷିକା କମ୍ପେ କାତର ସର୍ବେ

ବିଶ୍ୱାସ ଘାତତା ବେମାନୀ ମାଡେ ।

ବିଚାର ଚିନ୍ତା ଓ ବୁଦ୍ଧି ବିଧ୍ୱସ୍ତ

ବେଡି ବିହୀନରେ ହୁଅଇ ଧ୍ବସ୍ତ ।

ବ୍ୟୟୀତ ହୁଅଇ ଅଯଥା ଶ୍ରମ

ବ୍ୟସନ ବଢିଲେ ବ୍ୟକ୍ତିତ୍ବ ହୀନ

ବୁଦ୍ଧି ବୃତ୍ତି ନିତି ନିତି କଷଣ ।

ବଢ଼ାଇ ଅନିଷ୍ଟ ସାଧିତ କରି

ବହୁ ଶୀଘ୍ର ଦିଏ ସମାଜ ଭାଙ୍ଗି ।