Library
ବିଶ୍ଵନିୟନ୍ତା
ବିଶ୍ଵନିୟନ୍ତା
ମୁଁ ସ୍ଥିତି ମୁଁ ସୃଷ୍ଟି, ମୁଁ ହିଁ ସର୍ବଜ୍ଞାତା ବିଶ୍ଵନିୟନ୍ତା
ମୁଁ ଯୋଗଜନନ୍ମା ଵୀର ପୁରୁଷ, ମୁଁ ହିଁ ଓଁକାର ଧ୍ଵନି
ମୁଁ ହିଁ ଆଲୋକ ର ସଙ୍କେତ, ମୁଁ ହିଁ ଚତୁରବେଦ
ମୁଁ ହିଁ ଚିରସ୍ରୋତା ଜଳପ୍ରପାତ, ମୁଁ ଚୀରମଳୟର l
ଆହ୍ଲାଦିତ ତୋରଣ ସାଂଗକୁ ଘୂର୍ଣ୍ଣିଝଡ, ମୁଁ ବୀର ପୁରୁଷ
ମୁଁ ହିଁ ଅନ୍ଧାରି ଘର ବାବା, ଯାହା ପାଇଁ ଏ ସୃଷ୍ଟି
ଆଲୋକ ରେଣୁର କଣିକାରେ ହେଉଛି ଆତଯାତ।
ଅନ୍ଧାର ଘର ଭିତରେ ରହି ପ୍ରସାରିତ କରିଛି
ମୋର ବାହୁଛାୟା ,ମୋର ନାଦରୁ ନିନାଦିତ
ଏ ସକଳ ସୃଷ୍ଟି ର ସବୁଜିମା ପ୍ରାନ୍ତର l
ମୁଁ ହିଁ ସର୍ବଜ୍ଞାତା ସୃଷ୍ଟି ର ମୂଳାଧାର
ମୁଁ ଅବ୍ୟକ୍ତ,ଅସୀମ, ଅମାପ, ବିସ୍ତୃତି, ଅନ୍ୱେଷଣ
ମୁଁ ହିଁ ଭାବନାର ଭାବାନ୍ତରୀକରଣ,
ମୋ ପାଇଁ ଆଲୋକିତ ଏ ସାରା ଜଗତ।
ମୁଁ ହିଁ ଅବତାରୀ ପୁରୁଷ ପରଂବ୍ରହ୍ମ ପୁରୁଷୋତ୍ତମ
ସୃଷ୍ଟିର ଆବାହମାନ କାଳରୁ ମୁ ସ୍ବୟଂ ସ୍ବରୂପ
ହେଉଛି ବିରାଜମାନ, ମୁଁ ହିଁ ଦୂର ଦିଗବଳୟର
ଉଦଭାସିତ ମନ୍ଦାକିନୀ ର ସେହି ଶୂନ୍ୟବାଣୀ
ମୁଁ ହିଁ ଶାସ୍ବତ ପ୍ରେମ, ଆନନ୍ଦର ସଙ୍ଗୀତ
ମୋ ନିର୍ଦ୍ଦେଶନାରେ ଜୀବନ୍ତ ହେଉଛି ଏ ନବଦିଗନ୍ତ।
