ବୀର ସୁବାଷ

ରକ୍ତ ଦିଅ ମୋତେ ସ୍ୱାଧୀନତା ଦେବି

    ଡାକ ତାଙ୍କ ବୀରତ୍ୱର

ଦେଶ ମାତୃକାର ସେବା ଭକ୍ତି ଭାବ

    କଲା ତାଙ୍କୁ ମହାନର l

ଡାକ ଦିଲ୍ଲୀ ଚଲୋ ଜୟ ହିନ୍ଦ ଜୟ

    ସୃଷ୍ଟି କରେ ଜାଗରଣ

ନିର୍ଭିକ ବ୍ୟକ୍ତିତ୍ୱ ଦେଖାଇ କୃତିତ୍ୱ

    କରୁଥିଲେ ସଚେତନ l

ସ୍ୱାଧୀନ ଚେତନା ମୁକ୍ତିର କାମନା

    ଥିଲ ରଥୀ ବିପ୍ଳବର 

 ଝାସିଲେ ସଂଗ୍ରାମେ ବିଦ୍ରୋହ କାରଣେ

     ବନ୍ଦୀ କଲା ବ୍ରିଟିଶର l

ଛଦ୍ମରେ ଛାଡିଲ ବିଦେଶ କୁ ଗଲ

    ଯୁଦ୍ଧବନ୍ଦୀ ଏକ କଲ

ଆଜାଦ ହିନ୍ଦର ନେତୃତ୍ୱ ନେଇକି

    ଜୟ ହିନ୍ଦ ନାରା ଦେଲ ।

ସ୍ୱାଧୀନ ଭାରତ କରିଲ ଘୋଷଣା

    ଅଭିଯାନ ଦିଲ୍ଲୀ ଚାଲ 

ଜାତୀୟ ପତକା ଉଡ଼ାଇ ଦେଶରେ

     ଜାତୀୟତା ଦର୍ଶାଇଲ l

କୋଟି ଜନତାର ଥିଲ ତୁମେ ନେତା

     ସ୍ୱାଭିମାନୀ ଦେଶ ଭକ୍ତ 

 କହେ ହିଟଲର  ସୁବାଷ ବିଶ୍ୱର

     ଅଟେ ନେତାଜୀ ପ୍ରକୃତ l

କଟକ ସହର ଓଡ଼ିଆ ବଜାର

    ନେତାଜୀଙ୍କ ଜନ୍ମସ୍ଥାନ

ଓଡିଶା ଗର୍ବିତ ପାଇ ବରପୁତ୍ର

    ସୁବାଷ ଦେଶର ମାନ l