Library
ଅଶାନ୍ତର ମୁକତି
ଅଶାନ୍ତର ମୁକତି
ଯୋଜନାର ପ୍ରାରମ୍ଭ ସର୍ବଦା କଷ୍ଟ
ବହୁଳ ହୋଇ ଥାଏ
ସେହି କଷ୍ଟ, ସଫଳତା ପ୍ରାପ୍ତିରେ
ସୁଖ ଦେଇ ଥାଏ ।
ଦୁଃଖ ପରେ ସୁଖ ନୁହେଁ ଖାଲି
କପୋଳ କାହାଣୀ ବର୍ଣ୍ଣିତ
ଦୁଃଖରେ କେବେ ଭୟଭୀତ ନହୋଇ
ଅତିକ୍ରମ କରିବାକୁ ହୁଏ ପଥ ।
ସୁଖରେ ଅହଙ୍କାର, ବିଳାସ ବ୍ୟସନ
ଓ ଗର୍ବ ପ୍ରବେଶ କରେ
ଅହଙ୍କାର ଓ ଗର୍ବ ଆସିଲେ ପଶୁତ୍ୱ
ତ ପ୍ରବେଶ କରେ ।
ଜାଣନି କି, କାଠକୁ କାଟଇ କାଠ,
କାଠକୁ ଆୟୁଧ କରି
ନିଜସ୍ଵ ଅହଙ୍କାରରୂପୀ ରାକ୍ଷସ, ଭଲ
ଗୁଣ ନଷ୍ଟ କରେ ସେହିପରି ।
ଅହଂକାରୀ ବୁଝେ ନାହିଁ ଭଲ ମନ୍ଦ
ୱଦ୍ଧତ୍ୱରେ ମନ୍ଦକୁ ଦିଏ ବଢାଇ
ଫଳରେ ରାଗ ଦ୍ୱେଷ, ହିଂସା ଅସୂୟା
ଆସେ ସାଥେ ସାଥେ ନେଇ ।
ଅନ୍ୟାୟ, ଅତ୍ୟାଚାର, ଶୋଷଣ ଓ ଧର୍ଷଣ
ଏଇ ମାନବରୂପୀ ପଶୁ କରେ
ମଣଷର ଷଡ ରିପୁ ଯେତେ ଆୟତ୍ତ
କରି ପାରେନା, ୱଉଦ୍ଧତ୍ୱରେ ।
ଶ୍ରେଷ୍ଟ ଜୀବ, ହେ ମାନବ, ରାବଣ ଓ
କଂସ କଥା କିଆଁ ଭୁଲ
ଦୁନିଆରେ ମନୁଷ୍ୟ ଅଟଇ ତ କିଛି
ସମୟର, ବାନ୍ଧି ନେବ କାଳ ।
ପୂଜାର୍ଚ୍ଚନା, ଦେଵସ୍ଥଳ, ଚନ୍ଦନ ତିଳକ
ନୁହେଁ, ଅଶାନ୍ତିରୁ ମୁକ୍ତିଲାଭ କରିବ
ଏହି ଧୃବ ସତ୍ୟକୁ ଯେତେବେଳେ ଜଣେ
ହୃଦୟ ଭିତରେ ସ୍ଥାନ ଦେବ ।
