Library
ମୌସୁମୀର ଆଗମନେ
ମୌସୁମୀର ଆଗମନେ
ଶୂନ୍ୟ ନଭେ ଭାସଇ ମେଘମହ୍ଲାର
ମୌସୁମୀର ଆଗମନେ,
ଶୁଷ୍କ ତଟିନୀରେ ଉଛୁଳେ ଜୁଆର
ମୌସୁମୀର ଆଗମନେ ।
ଥୁଣ୍ଟା ଗଛେ କଅଁଳେ ନବପଲ୍ଲବ
ମୌସୁମୀର ଆଗମନେ,
ନବ ସବୁଜିମା ଅଟେ ଅଭିନବ
ମୌସୁମୀର ଆଗମନେ ।
ରୌଦ୍ରତାପର ଯନ୍ତ୍ରଣା ଲାଘବ
ମୌସୁମୀର ଆଗମନେ,
କ୍ଷେତରେ ଭରିଯାଏ ଶସ୍ୟସମ୍ପଦ
ମୌସୁମୀର ଆଗମନେ ।
ତଟିନୀ ନିର୍ଝର ହୁଏ ଜଳପୂର୍ଣ୍ଣ
ମୌସୁମୀର ଆଗମନେ,
ସବୁଜ କ୍ଷେତରେ ହସିଉଠେ ଧାନ
ମୌସୁମୀର ଆଗମନେ ।
ବାରିଦ କୋଳରେ ଖେଳଇ ଚପଳା
ମୌସୁମୀର ଆଗମନେ,
ସରସୀରେ ହର୍ଷେ ହଂସ କରେ ଖେଳା
ମୌସୁମୀର ଆଗମନେ ।
କୃଷକ ମନରେ ଅସୀମ ଆନନ୍ଦ
ମୌସୁମୀର ଆଗମନେ,
ଦେଖ ଗିରିଶୀଖେ କେକୀ ନୃତ୍ୟ ଛନ୍ଦ
ମୌସୁମୀର ଆଗମନେ ।
ଚନ୍ଦ୍ରମା ଚମକେ ଶତଗୁଣ ଘେନି
ମୌସୁମୀର ଆଗମନେ,
ଭୂଦେବୀଙ୍କ ଦୁଃଖ ଯାଏରେ ପ୍ରଶମି
ମୌସୁମୀର ଆଗମନେ ।
ବର୍ଷାରାଣୀ ଢାଳେ ଅମୃତ ସଲିଳ
ମୌସୁମୀର ଆଗମନେ,
ସମାପ୍ତ ହୋଇଯାଏ ଗ୍ରୀଷମ କାଳ
ମୌସୁମୀର ଆଗମନେ ।
ରଜ ପର୍ବ ପୁଣି ଆସେ ଧରାଧାମେ
ମୌସୁମୀର ଆଗମନେ,
ଧରିତ୍ରୀ ସଜ୍ଜିତ ହୁଅଇ କୁସୁମେ
ମୌସୁମୀର ଆଗମନେ ।
ସବୁରି ହୃଦୟେ ଆନନ୍ଦ ଉଲ୍ଲାସ
ମୌସୁମୀର ଆଗମନେ,
ସର୍ବ ଜୀବଜନ୍ତୁ ଆମୋଦେ ହରଷ
ମୌସୁମୀର ଆଗମନେ ।
