ବର୍ଷ ୨୦୨୧
ବର୍ଷ ୨୦୨୧
ଆନନ୍ଦ ଉଲ୍ଲାସ ଭରିଲା ଜୀବନେ
କରିଦେଲା ମଧୁମୟ,
ସୁନ୍ଦର ମଣିଷଙ୍କର ସାନିଧ୍ୟେ
ପ୍ରସରିଲା ଜ୍ଞାନ ବଳୟ ।
ନୂଆଁ ପରିଚୟ ପାଇଲି ଯେ ମୁହିଁ
ଅଚିହ୍ନାରୁ ହେଲି ଚିହ୍ନା,
ଜଣା ଅଜଣା ଶହେ ମୁହଁ ଭିତରୁ
କିଛି ହୋଇଲେ ଆପଣା ।
କୋରୋନା ଆସିଲା ଚିନ୍ତା ବଢ଼ାଇଲା
ଶିଖାଇଲା ଶିକ୍ଷା ମୂଲ୍ୟ,
ବିଗତ ବର୍ଷଟି ଅତୀବ ସ୍ଵତନ୍ତ୍ର
କେହି ନୁହେଁ ତାହା ତୁଲ୍ୟ ।
ଜୀବନରେ ମୋର ରଙ୍ଗ ଭରିଗଲା
ଏହି ବର୍ଷ ଆଗମନେ,
ସକଳ ସମ୍ପଦ ମିଳିଗଲା ସତେ
ଥିଲା ଯାହା ମୋ ସପନେ ।
ସଫଳତା ପଥେ ପଥିକ ମୁଁ ଆଜି
ସାଥେ ପଥ ପ୍ରଦର୍ଶକ,
ଲାଗୁନି ମୁଁ ଆଜି ଏକାକିନୀ ବୋଲି
ସାଥେ ଅଛନ୍ତି ଅନେକ ।
ଈଶ୍ୱରଙ୍କୁ ହୃଦୟରୁ ଧନ୍ୟବାଦ
ଯେତେ ଦେଲେ ହେବ ଉଣା,
ଏତେ ସ୍ନେହ ଆଉ ଆଦରରେ ମୋର
ଭରିଲା ମନ ଅଗଣା ।