Library
ପଉଷ ଫେରିବା ପୂର୍ବରୁ
ପଉଷ ଫେରିବା ପୂର୍ବରୁ
ପଉଷ ଫେରିବା ପୂର୍ବରୁ
ଫେରିଆସ ସାଥି ଦେଖ
ବାହୁଡିଯିବ ଏ ଵରଷ
ଏଇତ ଚାଲିଛି
ଶେଷ ଅଙ୍କର ଶେଷ ଦୃଶ୍ୟ
ଆଉ ମାତ୍ର କେଇ କ୍ଷଣ ପରେ
ସରିବ ତା'ର ଅଭିନୟ
ହେଇଛି ଅସ୍ଥିର କରିଛି ଅଥୟ ଜୀବନ ଯନ୍ତ୍ରଣାମୟ ।
ନା ତାକୁ ଭଲପାଇବା ସମ୍ଭବ
ଭୂଲିବା ବି ଅସମ୍ଭବ
ପ୍ରତାରଣା ଦେଇଥିବା ପ୍ରେମିକକୁ
ପ୍ରେମିକା କ'ଣ ସହଜରେ
ଭୂଲିପାରେ ନା ମନଭରି
ହୃଦୟରୁ ଭଲ ପାଇପାରେ ।
ବିଶ୍ଵ ଇତିହାସେ ରଚାହେଵ ନିଶ୍ଚୟ
ଏକ ଅଶ୍ରୁଳ ଅଧ୍ୟାୟ
ଏଥିରେ ନାହିଁ
ତିଳେମାତ୍ର ସଂଶୟ ।
ସେ ଯାହା ବି କିଛି ହେଉ
ସେ ଅଣଵୁଝା ପୃଷ୍ଠାରେ ପୂର୍ଣ୍ଣଚ୍ଛେଦ ଦେଇ
ସେ ଘମାଘୋଟ ଭିତରେ ନ ପଶି
ଚାଲ ସାଥି ।
ଫାଳେ ପୌଷ ରାତିକୁ ଓଲାରି ଓଲାରି
ପାପୁଲାଏ ପ୍ରୀତି
ପ୍ରସ୍ତୁତ କରିବା ।
ଅନ୍ତତଃ ଆର ପଉଷ ଯାଏଁ
ସେଇ ସନ୍ତକ ଟିକକ
ସାଇତିରଖିବା ଖୁବ୍ ଯତ୍ନରେ
ଅହର୍ନିଶି ଭିଜୁଥିବା
ଆଉ ଅନୁଭଵୁଥିବା ।
ଏ ଅନନ୍ତ ଆକାଶ ଅମୃତମୟ
ଏ ପୂର୍ଣ୍ଣ ପୃଥିବୀ ପ୍ରେମମୟ
ଏ ଶାନ୍ତ ସବୁଜିମା ସୁଗନ୍ଧମୟ
ଏ ମୁଗ୍ଧ ମାଟି ମହନୀୟ
ଏ ସକଳ ପ୍ରାଣୀଗଣ ପୁଣ୍ୟମୟ
ଏ ମାନବର ମନ ମଧୁମୟ
ଏ ପ୍ରାଣ କୃଷ୍ଣମୟ ।
