ବିଦାୟ ବେଳର ସ୍ମୂତି
ବିଦାୟ ବେଳର ସ୍ମୂତି
ବିଦାୟ ବେଳାର ସେ କିଛି ମୁହୁର୍ତ୍ତ
ମନେ ପଡୁ ଅଛି ନିତି ,
ସବୁଦିନ ପାଇଁ ହୃଦୟେ ମୋହରି
ହୋଇ ରହିବ ଯେ ସ୍ମୃତି ।
ଛାତ୍ରୀଙ୍କ ଭିତରେ ସବୁଠୁ ଯେ ମୁହିଁ
ଥିଲି ଯେ ଆପଣଙ୍କ ପ୍ରିୟ ,
ଯିବା ସମୟରେ ତପସ୍ୱୀନି ମ୍ୟାମ୍
ଶୁଭାଶିଷ ଦେଇ ଯାଅ ।
ସ୍ମିତା ସ୍ମିତା ବୋଲି ଡାକୁଥିଲେ ମୋତେ
ଦେଉଥିଲେ ଶ୍ରଦ୍ଧା,ସ୍ନେହ ,
ତେଣୁ ଭାସି ଆସେ ପ୍ରତି ମୂହୁର୍ତ୍ତରେ
ଆପଣଙ୍କ ସେ ଚିହ୍ନା ମୁହଁ ।
ଆପଣଙ୍କଠୁ ଶିଖିଛି କେତେ କଥା ମୁହିଁ
ପାଇଛି ଶିକ୍ଷାର ଦାନ ,
ତେଣୁ ମୋ ପାଇଁ ଆପଣ ଗୁରୁ ତୁମେ
ଅଟ ଯେ ତୁମେ ମହାନ ।
ଗୁରୁ ଦକ୍ଷିଣାରେ ଦେବା ପାଇଁ ଆଜି
ମୋ ପାଖରେ କିଛି ନାହିଁ ,
ଦେଇଥିବା ଜ୍ଞାନୁ କେତୋଟି ଶବ୍ଦ
ସାଉଁଟୁଛି ଆପଣଙ୍କ ପାଇଁ ।
ଚିରସ୍ମରଣୀୟ ହେଉ ଏ ଦିବସ
ଆମେ ଦୁହିଁଙ୍କ ଯେ ପାଇଁ ,
ମଥାନତ କରି ପ୍ରଣିପାତ କରେ
ଦୋଷ ମୋ ଧରିବ ନାହିଁ ।
ବିଦାୟ ନେଉଛୁ ଏହି କଲେଜରୁ
ଦୁଃଖକୁ ହୃଦୟେ ଚାପି ,
ସବୁଦିନ ପାଇଁ ଅଭୁଲା ରହିବ
ବିଦାୟ ବେଳର ସ୍ମୃତି ।