ଭାବର ଠାକୁର
ଭାବର ଠାକୁର
ତୁମେ ଯଦି ମୋତେ ଭାବରେ ବାନ୍ଧିବ
ମାୟାରୁ ମୁଁ ତରିଯିବି
ତୁମେ ଯଦି ମୋତେ ସାହା ହୋଇଥିବ
ସବୁ ଚିନ୍ତାକୁ ଛାଡ଼ିବି
ସଂସାର ହାଟକୁ ଆଣିଅଛ ତୁମେ
କିଛି ଦିନ ପାଇଁ
ଯାହା ମୁଁ ପାଇବି ସବୁ ଛାଡିଯିବି
କିଛି ସାଥେ ନେବି ନାହିଁ
ତୁମେ ଯଦି ମୋତେ ଯୋଗୀ କରିଦେବ
ଦାଣ୍ଡେ ତୁମ ବୁଲୁଥିବି
ତୁମରି କୈବଲ୍ୟ ତୁମେ ଯଦି ଦେବ
ହାତ ପାତି ମାଗୁଥିବି
ଜୀବନ ପଥରେ ଚାଲୁ ଥିବି ମୁହିଁ
ହାତକୁ ତୁମର ଧରି
ତୁମେ ମୋର ସାଥେ ରହିଥିଲେ ପ୍ରଭୁ
ବିପତ୍ତିରୁ ହେବି ପାରି
ତୁମେ ଯଦି ମୋର ଧ୍ୟାନରେ ଆସିବ
ତୁମକୁ ନୀତି ଦେଖିବି
ତୁମେ ଯଦି ମୋର ଭାବନାରେ ଥିବ
ତୁମକୁ ନୀତି ଭାବିବି