ଲାଇବ୍ରେରୀ
ପ୍ରୋଫାଇଲ୍
କଳିଯୁଗେ କେଉଁ ଭକ୍ତ
କଳିଯୁଗେ କେଉଁ ଭକ୍ତ
1 min
262
କଳିଯୁଗେ କେଉଁ ଭକ୍ତ
ତୋତେ ପ୍ରେମେ ବାନ୍ଧିଲା.
ଦୁଇ ସନ ବିତିଗଲା
ତୋର ଦୁଆରେ ତାଲା.
କାଳିଆରେ ଏହି କଥା ଭଲ ନୋହିଲା. l0l
ଆସିଲେକି ମୀରା ବାଇ
ଅବା ଗୋପ ରାଧା ରାଇ.
ଦୁନିଆଁଙ୍କୁ ଭୁଲି ଯାଇ
ତାଙ୍କ ପ୍ରେମେ ବାନ୍ଧି ହୋଇ.
ଅବା କେଉଁ ଭକ୍ତ ତୋତେ ବାନ୍ଧି ରଖିଲା
ନୀଳାଚଳ ଧାମ ତୋତେ ଅଡୁଆ ହେଲା l1l
ଗୋପର ଗୋପି ଗୋପାଳ
ଅବା ସେ ଯମୁନା କୁଳ.
ଗୋପେ ନନ୍ଦ ରାଜା ଅବା
ଝୁରିଲୁ ଯଶୋଦା କୋଳ.
ଭୁଲି ଯାଇ ନୀଳାଚଳ ପକାଇ ତାଲା
ବାନ୍ଧି ହେଲ ତାଙ୍କ ପ୍ରେମେ ହୋଇ ବାଉଳା. l2l
ଦାସିଆ ବାଉରୀ କିବା
ଜନମିଲେ ବଳରାମ.
ସାଲବେଗ,ମନୋହର
ସୁଦାମା ସଖା ଅର୍ଜୁନ.
ସେହି ପ୍ରେମ କଲା ତୋତେ କି ମତୁଆଲା
ଭୁଲି ଯାଇ ସବୁ ଭକ୍ତ କରୁଛୁ ଲୀଳା. l3l
