ବିଚାରପତିଙ୍କ ଦରବାର
ବିଚାରପତିଙ୍କ ଦରବାର
ବିଚାରପତିଙ୍କ ଦରବାର,
ଆମେ ଡାକୁ ହେ ଲର୍ଡ, ଇଶ୍ୱରଂକ
ପରା ଅବତାର ।
ବିଚାରପତିଙ୍କ ଦରବାର,
ନଥାଏ ରାଗ, ଅବିବେକ, ଅହ°କାର
ସେ ମଣିଷର ।
ବିଚାରପତିଙ୍କ ଦରବାର,
ସେ ଚିର ଅଭ୍ରାନ୍ତ, ନିର୍ଭୀକ ଓ ମୂର୍ତ୍ତି
ନିରପେକ୍ଷତାର ।
ବିଚାରପତିଙ୍କ ଦରବାର,
ସବୁଦିନେ ଅପଥେ ନଯିବା ପାଇଁ ଶପଥ
ନେବା ଦରକାର ।
ବିଚାରପତିଙ୍କ ଦରବାର,
ଏଇ ପରା ଶକ୍ତ ସ୍ତମ୍ଭ ଅଟେ ସର୍ବଶ୍ରେଷ୍ଠ
ଶାସନ ଗଣତନ୍ତ୍ରର ।
ବିଚାରପତିଙ୍କ ଦରବାର,
ଏହା ପାଖେ ଅଛି ଅମୋଘ ଅସ୍ତ୍ର କଣ୍ଟେମ୍ପ୍ଟ
ପ୍ରୟୋଗ ବ୍ୟବସ୍ଥାର ।
ବିଚାରପତିଙ୍କ ଦରବାର,
ନରଖେ ପାତର ଅନ୍ତର ଜାତି ଧରମ
ଗୋଷ୍ଠୀ ବିଚାରର ।
ବିଚାରପତିଙ୍କ ଦରବାର,
ନବୋଲାଏ ନିଜକୁ ରାଜା, ଦିଅଇ ସଜା
ଯାହା ଆଇନ ଭିତର ।
ବିଚାରପତିଙ୍କ ଦରବାର,
ଭୋଟ ଦ୍ୱାହି ଦେଇ, ତୁଛା ଭାଷଣେ ଦରକାର
ନାହିଁ ଜିତିବା ଚିତ୍ତ କାହାର ।
ବିଚାରପତିଙ୍କ ଦରବାର,
ଲୋଡ଼ା ନାହିଁ ଏଠି ଛଳନା ପୋଷାକେ ବିଭିନ୍ନ
ରୂପରେ ଆବିର୍ଭାବର ।
ବିଚାରପତିଙ୍କ ଦରବାର,
ଆଇନ ଅନୁଯାୟୀ ସର୍ବଶ୍ରେଷ୍ଠ କର୍ମ ଧର୍ମ
ପାଳନ କରିବା ଦରକାର ।
ବିଚାରପତିଙ୍କ ଦରବାର,
ନ୍ୟାୟ ଦେଲେ ଆଦେଶରେ, ପ୍ରତାରଣାର ଲୁହ
ବୋହିବା ନାହିଁ ଦରକାର ।।