ଭୁଲନାହିଁ କେବେ

ଭୁଲ ନାହିଁ କେବେ ନୀଳାଚଳ ନାଥ ଚକାନୟନ

ଭୁଲ ନାହିଁ କେବେ ମାଆର ମମତା ଅମୂଲ୍ୟ ଧନ |

ଭୁଲନାହିଁ କେବେ ପିତାଙ୍କର ଦାନ ଦିବ୍ୟ ମହାନ

ଭୁଲନାହିଁ କେବେ କୁଳ ଗୋତ୍ର ଜାତି ମାନ ସମ୍ମାନ |

ଭୁଲ ନାହିଁ କେବେ ଗାଁ ଜନ୍ମମାଟି ସାରା ଜୀବନ

ଭୁଲ ନାହିଁ କେବେ ତାର ଗୋଡ଼ି ମାଟି କେଦାର ବନ |

ଭୁଲ ନାହିଁ କେବେ ବାଲ୍ୟ ସାଙ୍ଗ ସାଥୀ ନିର୍ମଳ ମନ 

ଭୂଲନାହିଁ କେବେ ତୁମର ଆଶ୍ରିତ ସେବକ ଜନ |

ଭୁଲନାହିଁ କେବେ ଉପକାରୀଙ୍କର ସୁଅବଦାନ

ଭୁଲନାହିଁ କେବେ ଗୁରୁ ଗୁରୁଜନ ହିତ ବୟାନ |

ଭୁଲ ନାହିଁ କେବେ ପର ଉପକାର ପୁଣ୍ୟ ସାଧନ

ଭୁଲ ନାହିଁ କେବେ ପ୍ରାଣ ପ୍ରଣୟିନୀ ପ୍ରେମ ବନ୍ଧନ |

ଭୁଲ ନାହିଁ କେବେ ନିଜ ମାତୃଭୂଷା ଗୌରବାୟନ

ଭୁଲ ନାହିଁ କେବେ ଜାତୀୟ ମମତା ସ୍ୱ ଅଭିମାନ |

ଭୁଲ ନାହିଁ କେବେ ଗୀତା ଭାଗବତ ତତ୍ତ୍ୱ ବଚନ

ଭୁଲ ନାହିଁ କେବେ ସାଧୁ ସନ୍ଥବାଣୀ ମାର୍ଗ ଦର୍ଶନ |

ଭୁଲ ନାହିଁ କେବେ ପୂର୍ବଜଙ୍କ ଯଶ କୃତି ମହାନ

ଭୁଲ ନାହିଁ କେବେ ସ୍ୱଦେଶ ଭାବନା ସ୍ୱଦେଶ ମାନ |

ଭୁଲ ନାହିଁ କେବେ ସେବା ତ୍ୟାଗ ଦାନ ଦେବ ପୂଜନ

ଭୁଲ ନାହିଁ କେବେ ସତ୍ୟ ନ୍ୟାୟ ନୀତି ଧର୍ମ ଚୟନ |

ଭୁଲନାହିଁ କେବେ ଗୋମାତାର ସେବା ଦିବ୍ୟ ଚିନ୍ତନ

ଭୁଲ ନାହିଁ କେବେ ଯା ଯୋଗୁଁ ଲଭିଛ ଉଚ୍ଚ ଆସନ |

ଭୁଲ ନାହିଁ କେବେ ଚିରସ୍ଥାୟୀ ନୁହେଁ ଧନ ଜୀବନ

ଭୁଲନାହିଁ କେବେ କରିବାକୁ ଯଶ କୀର୍ତ୍ତି ଅର୍ଜନ |