ଭୁଲିଯାଏ ସବୁ କିଛି ରହିଲେ ସାଥେ
ଭୁଲିଯାଏ ସବୁ କିଛି ରହିଲେ ସାଥେ
ଛାଡିଦେଇ ଚାଲିଗଲୁ
ଅଜଣା ପଥେ,
କେମିତି ବଞ୍ଚିବି ଏହି
ମାୟା ଜଗତେ।......(ଘୋଷା)
ତୋ'ଠାରେ ଥିଲା ମୋ ଆଶ,
ତୁ ଥିଲୁ ମୋର ବିଶ୍ୱାସ,
ତୋ ପରି ଆଉ କେ ଅଛି
କହି ଯାଆ ମୋତେ,
ଛାଡିଦେଇ ଚାଲିଗଲୁ
ଅଜଣା ପଥେ।
ଡର ଲାଗେ ଏ ଦୁନିଆଁ,
ସବୁ ଏଠି ମିଛ ମାୟା,
ଭରଷା କାହାକୁ ଏଠି
କରିବି ସତେ,
ଛାଡିଦେଇ ଚାଲିଗଲୁ
ଅଜଣା ପଥେ।
କେ ଦେବ ଆଶରା ପୁଣି,
ଖୋଇବ ମୋ ମନ ଜାଣି,
ପେଟ ପୂରିଯାଏ ଭୋକେ
ଦେଖିଲେ ତୋତେ,
ଛାଡିଦେଇ ଚାଲିଗଲୁ
ଅଜଣା ପଥେ।
ଯେତେ ଆସିଲେ ପ୍ରମାଦ,
ଦେଉଥିଲୁ ମୋତେ ବୋଧ,
ଭରୁଥିଲୁ ମୋ ମନରେ
ସାହସ ଯେତେ,
ଛାଡିଦେଇ ଚାଲିଗଲୁ
ଅଜଣା ପଥେ।
ନାହିଁ ବଞ୍ଚିବାର ରାହା,
ଜଗନ୍ନାଥ ଏକା ସାହା,
ନହେଲେ ନେଇ ଯା ମୋତେ
ତୋହର ସାଥେ,
ଛାଡିଦେଇ ଚାଲିଗଲୁ
ଅଜଣା ପଥେ।