Library
Profile
ଭୁଲ ବୁଝାମଣା
ଭୁଲ ବୁଝାମଣା
ଜୀବନର ଏହି
ଦୋଛକି ବାଟରେ
ପାଦ ହେଲା ବାଟବଣା
ଭାଗ୍ୟତ ଏମିତି
ଦୋଷ ନ କରିବି
ହେଲା ଭୁଲ ବୁଝାମଣା ।
କିବା କଥାରେ ବି
କଥା କଟାକଟି
ମତାନ୍ତର ମନାନ୍ତର
ଭଲ କଥାରେ ବି
ଭିନ୍ନ ଅର୍ଥ ନେଇ
ମିଳୁଛି ପ୍ରତି ଉତ୍ତର ।
କାହିଁକି କେଜାଣି
ମଣିଷ ମନରେ
ଅବିଶ୍ୱାସ ହୁଏ ଜାତ
ସନ୍ଦେହ ହେଉଛି
ବିଷ ମଞ୍ଜିଟିଏ
ହୃଦୟେ କରୁଛି କ୍ଷତ ।
କାନକୁହା କଥା
ଗୁଜବ ଚୁଗୁଲି
ତା' ପାଇଁ ପାଣି ପବନ
ଅଙ୍କୁରିତ ପାଇଁ
ମାଟି ହୁଏ ସିନା
ମଣିଷ ଅଶାନ୍ତ ମନ ।
ଅଶାନ୍ତ ମନରେ
କ୍ରୋଧ ଭରି ରହେ
ଅଦୃଶ୍ୟ ବିବେକ ପଣ
ଇର୍ଷା କ୍ରୋଧ ହେଲେ
ଜୀବନ ମଧ୍ୟରେ
ଆସଇ ଝଡ ତୋଫାନ ।
ହସହସ ମୁହଁ
ପ୍ରଫୁଲ୍ଲ ବଦନ
ବାରଣ ଯେ ପ୍ରତିଶୋଧ
ସହନଶୀଳତା
ନୀରବତା ପଣ
କରେ ତାକୁ ପ୍ରତିରୋଧ ।
ଆରମ୍ଭରୁ ଯଦି
ବିଜ୍ଞ ଚାତୁରୀରେ
ସ୍ମିତହାସ୍ୟ ଟିଏ ଦେଇ
ଅତୁଟ ବିଶ୍ବାସ
ବାର୍ତ୍ତାଳାପେ ତାକୁ
ପାରିବା ଯଦି ବୂଝାଇ ।
ଦୟା କ୍ଷମା ଶାନ୍ତି
ବାରତା ଦେଇ ଯେ
ବଢାଇ ବନ୍ଧୁତା ଭାବ
ଭୁଲ ବୁଝାମଣା
ଅବିଶ୍ୱାସ ଭାବ
ଜୀବନେ ଦେଖା ନଦେବ ।
