ଭ୍ରମଣ

ଭ୍ରମଣ କରିଲେ ସକାଳୁ ସକାଳୁ          

ଦେହ ପାଇଁ ଅଟେ ଭଲ,                  

ସତେଜ ରହିବ ଶରୀର ଆମର             

ମନ ରହିବ ପ୍ରଫୁଲ୍ଲ |                   

ଭ୍ରମଣ କରି ଐତିହାସିକ                 

ସ୍ଥାନ ରହିଅଛି ଯେତେ,                  

ପିଲାଙ୍କୁ ପଢ଼ାରେ ସହାୟ ହୋଇବ             

ଜ୍ଞାନ ବଢାଇବ ସେତେ |                

ଅଜା ଆଈ ଆମ ଭ୍ରମଣ କରନ୍ତି,              

ଯେତେକ ତୀରଥ ସ୍ଥାନ,                

ମନ ଆତ୍ମା ତାଙ୍କ ଶାନ୍ତି ପାଇଥାଏ,              

ସତେଯେ ସ୍ୱର୍ଗ ସମାନ  |            

ଭ୍ରମରେ ଭ୍ରମର ଭ୍ରମଣ କରିଲେ                

ଫୁଲ ଫୁଟି ହସୁଥାଏ,                

ପୁଲକିତ ହୋଇ ଏ ଧରଣୀ କୋଳ,            

ଅନେକ ଶୋଭା ବଢାଏ |               

ଭ୍ରମଣ ଋତୁ ଯେ ଶରତେ ଆରମ୍ଭି              

ଶୀତରେ ସମାପ୍ତ ହୁଏ,                

ଭ୍ରମଣ କରିଣ ପର୍ଯ୍ୟଟକ ବହୁ                 

ସ୍ଥାନ ଯେ ଆନନ୍ଦ ପାଏ |             

ଦେଶ ବିଦେଶ ଯେ ଭ୍ରମଣ କରନ୍ତି               

ଧନୀ ଓ ପଇସା ଵାଲା,              

ମନ୍ଦିର ଚାରିପାଖରେ ଭ୍ରମନ୍ତି                  

ପ୍ରଭୁଙ୍କ ବିଶ୍ଵାସୀ ଚେଲା  |              

ମଧୁମକ୍ଷୀଟିଏ ଭ୍ରମଣ କରିଣ                 

ମଧୁ ସଞ୍ଚି ରଖିଥାଏ,                 

ଜଗତ ଜନଙ୍କ ହିତ ପାଇଁ ତାର                

ଭ୍ରମଣ ସାଧିତ ହୁଏ  |                  

କର୍ମବ୍ୟସ୍ତ ଏହି ଜୀବନେ ଆମର               

ଶାନ୍ତି ଜମା ମିଳେନାହିଁ,              

ଭ୍ରମଣ କରିଲେ ନିହାତି କିନ୍ତୁ,                   

ସନ୍ତୋଷ ମିଳିବ ଭାଇ  |            

ସମୟ ଯୋଗାଡ଼ି ସବୁବେଳେ ଟିକେ             

ଭ୍ରମଣ ଯେ କରୁଥାଅ,                

ଶରୀର, ମନ ରହିବଟି ସୁସ୍ଥ                  

ଦୀର୍ଘାୟୁ, ନିରୋଗ ରୁହ   ||