ଭକ୍ତି ଅର୍ଘ୍ୟ- ୧
ଭକ୍ତି ଅର୍ଘ୍ୟ- ୧
ପ୍ରେମ ପରିଭାଷା ବୁଝାଇବା ପାଇଁ
ଧରାବତରଣ କଲ
ସେ ପ୍ରେମ ରଙ୍ଗରେ ରଙ୍ଗାୟିତ ହେବ
ପୃଥିବୀ ଯେ ଭାବିଥିଲ ।
ହେ ରାଧାମୋହନ କଷ୍ଟ ହୁଏ ଆଜି
ପ୍ରେମ ଧାରା ବଦଳିଛି
ପ୍ରେମ ସ୍ରୋତ ଆଜି କଳୁଷିତ ହୋଇ
ଦିଗ ବଦଳି ଦେଇଛି ।
ପ୍ରେମର ଅର୍ଥକୁ କଦର୍ଥ କରି ଯେ
ରାଧା କୃଷ୍ଣେ ଟାଣି ଆଣେ
ଚିର ଶାଶ୍ଵତ ସେ ପ୍ରେମର ଧାରା ଯେ
ଅବକ୍ଷୟ ସ୍ରୋତେ ଭାସେ ।
ହେ ରାଧା ମାଧବ ଆସ ଅବତରୀ
ଆଉ ଥରେ ଧରା ଧାମେ
ପ୍ରେମର ଶାଶ୍ଵତ ପୂଣ୍ୟର ଗାଥାକୁ
ଦୋହରାଇ ଦିଅ ବାରେ ।