ଚକାଆଖି

ରତନ ବେଦିରେ     ଆନନ୍ଦେ ବସିଛ

     ଆହେ ପ୍ରଭୁ ଚକାଆଖି

ମାନବ ଜୀବନେ     ଯାହା ଘଟୁଅଛି

     ସବୁତ ପାରୁଛ ଦେଖି ।

ଜୀବନରେ କେତେ     ପାପ ପୁଣ୍ଯ କଲି

      ହିସାବ ରଖିନି କେବେ

ଅପରାଧୀ ଆଉ     ହେବି ନାହିଁ ଭବେ

     ତୁମ ଦୟା ଥିବ, ଯେବେ ।

ଦୋଷ ଅପରାଧ     ଯାହା ମୁଁ କରିଛି

     ଆଗରୁ ଦେଇଛି ଲେଖି ।

ମୁଁ ଅଟେ ଅଧମ     ମୁରୁଖ ସମାନ

     ତୁମେ ଅଟ ମହାଜ୍ଞାନୀ

ଜ୍ଞାନ ଆହରଣ     କରୁଥିବି ନିଜେ

     ତୁମରି ଆଦେଶ ମାନି ।

ସମାଜର ହିତେ     ସେ ଜ୍ଞାନ ବାଣ୍ଟିବି

     ନିଜେ ମୁଁ ସାଇତି ରଖି ।

ଏଣିକି ମୁଁ ଯାହା     କରମ କରିବି

     ତୁମ ସହମତ ଥିବ

ଦୋଷ ଅପରାଧ    କରିଥିଲେ ଯାହା

     ସଂଶୋଧନ କରିଦେବ ।

ତୁମେ ଥାଉ ଥାଉ     ମୁଁ କଲା କରମ

     କାହାକୁ କରିବି ସାକ୍ଷୀ ।