ହେ ଶ୍ରୀହରି ଯେତେବେଳେ ମୁଁ ହଜିଛି

ବେଳେବେଳେ ହଜିଯାଉ କେଉଁ ଦୂର ତାଳ ବଣେ

ସମ୍ପୂର୍ଣ୍ଣ ପୁରା ଏକୁଟିଆ ପଣେ ,

କଣ କରିବା ସତେ ଭାବି ପାରେନି ମନେ ,

ଅନେକ ହଁ ନାହିଁ ର ଦ୍ଵନ୍ଦ ଯୁଦ୍ଧର କଷଣେ ।

ମୁଁ ନାହିଁ ବେଳେବେଳେ ଅନୁଭବ କରେ ,

ରାସ୍ତା ଖୋଜିବି ପାରେନି ସଠିକ୍ ଦିଶାରେ,

ଅନେକ ଇଚ୍ଛା ଅନିଚ୍ଛା ର ଅହରହ ମଲ୍ଲ ଯୁଦ୍ଧରେ ,

ଆନ୍ଦୋଳିତ ମନ ବିଚଳିତ ତନ ମଧ୍ୟରେ ।

ବସେ କେବେ ଭରସା ହରାଇ ,

ପୁଣି ଅଣ୍ଟ।ଭିଡ଼େ ବିଶ୍ୱାସ ସାଉଁଟିବା ପାଇଁ ,

ଅହରହ ଧାବମାନ ହୁଏ ସଠିକ୍ ଦିଗ ଖୋଜିବା ପାଇଁ ,

ଶେଷରେ ତୁମକୁ ପାଇଛି ହେ ଜଗନ୍ନାଥ ଉତ୍ତର ପାଇଁ ।

ଅନେକ ପ୍ରଶ୍ନର ଉତ୍ତର ଖୋଜିବା ଚେଷ୍ଟାରେ ,

ଶରଣାଗତ ଆଜି ସମ୍ପୂର୍ଣ୍ଣ ସମର୍ପିତ ଭାବରେ ,

ମୋ ତନ ମନ କାୟା ବାକ୍ୟରେ ,

ଏବଂ ଗଭୀର ବିଶ୍ୱାସ ସହ ଅନ୍ତରରେ ।

ଶେଷରେ ଆଜି ମୁଁ ମାନି ବସିଛି ,

ମୁଁ କେବେ ଏକା ନୁହଁ ତୁମକୁ ପାଖେ ମୁଁ ପାଇଛି ,

ତୁମେ ସେହି ଯିଏ ଶରଣାଗତକୁ କଣ ଛାଡିପାରିଛି

କେବଳ ବିଶ୍ୱାସ ଅହଂ ଶୁନ୍ୟ ଭାବ ଦରକାର ଯାହା ମୁଁ ପାଇବାକୁ ସଂକଳ୍ପ କରୁଛି ।