ଶ୍ରାବଣ
ଶ୍ରାବଣ
1 min
191
ଜୀବନର ଗୀତ, ଗାଉଛି ଶ୍ରାବଣ
ଝିପି ଝିପି ସ୍ବରେ, କହୁଛି ଶ୍ରାବଣ ।
ବଣରେ ମୟୁର, ପକ୍ଷକୁ ମେଲାଇ
ମେଘଦୂତ ସାଜି, ନାଚୁଛି ଶ୍ରାବଣ ।
ଦୂର ଆକାଶରେ, ଇନ୍ଦ୍ରଧନୁ ଦେଖି
ଲାଗୁଛି ସତେକି, ହସୁଛି ଶ୍ରାବଣ ।
ମେଘ ମହ୍ଲାର ଯେ, ଶୁଭୁଛି ମୋ କାନେ
ଚାଲି ଆସ ଏବେ, ଡାକୁଛି ଶ୍ରାବଣ ।
ତୁମ ପ୍ରୀତି ଡୋରେ, ବନ୍ଧା ପଡ଼ିଛି ସେ
ବିରହିଣୀ ସାଜି, କାନ୍ଦୁଛି ଶ୍ରାବଣ ।
ଧରାକୁ ସବୁଜ, ସ୍ବଚ୍ଛ ରଖୁବାକୁ
ଭେଦଭାବ ବିନା, ଝରୁଛି ଶ୍ରାବଣ।
ସତ କହୁଛି ମୁଁ, ଲାଗୁଛି ଏମିତି
ମୋ କଲମ ଧରି, ଲେଖୁଛି ଶ୍ରାବଣ ।