STORYMIRROR

Sarojini Mishra

Abstract

4  

Sarojini Mishra

Abstract

ଭକ୍ତ କବି ବଳରାମ ଦାସ

ଭକ୍ତ କବି ବଳରାମ ଦାସ

1 min
396


ସାହିତ୍ୟ ଧାରାରେ ଅନ୍ୟତମ ଯୁଗ

ପଞ୍ଚସଖା ଯୁଗ ଅଟେ

ପଞ୍ଚସଖା ମଧ୍ୟେ ବଳରାମ ଜ୍ୟେଷ୍ଠ

ବିଦିତ ଯେ ଓଡ଼ିଶାରେ ।


ମାତା ମହାମାୟା ପିତା ସୋମନାଥ

କୋଳରେ ଯାହାଙ୍କ ଜନ୍ମ

ଯାଜପୁରେ ଜନ୍ମ ଶ୍ରୀକ୍ଷେତ୍ର ନିବାସ

ଭକ୍ତ କବି ବଳରାମ ।


ଏକାଧାରରେ ସେ କବି ଭକ୍ତ ଥିଲେ

ଲେଖା ସଙ୍ଗେ ଭାବ ଭକ୍ତି

ଅନନ୍ୟ ଭାବନା ପ୍ରଭୁ ଚିନ୍ତନରେ

ମନେ ଥିଲା ଯେ ଦୃଢୋକ୍ତି ।


ଅନନ୍ୟ ଗ୍ରନ୍ଥର ସ୍ରଷ୍ଟା ବଳରାମ

ପ୍ରଭୁ ପାଦେ ସେଦା ମତି

ଦାଣ୍ଡି ରାମାୟଣ ଲକ୍ଷ୍ମୀ ପୁରାଣ ଯେ

ଘରେ ଘରେ ଆଦୃତି ।


ଲକ୍ଷ୍ମୀ ପୁରାଣରେ ନାରୀ ର ସମ୍ମାନ

ଜାତି ଭେଦେ ତୋଳି ସ୍ଵର

ସମାଜ ବ୍ୟବସ୍ଥା ସୁଧାରିବା ପାଇଁ

ହୋଇଥିଲେ ଆଗଭର ।


କେତେ ଗୀତା ପୁଣି କେତେ ଚଉତିଶା

ବ୍ରହ୍ମଜ୍ଞାନ ଏକାକ୍ଷର

କେଉଁଠି ଭକତି କେଉଁଠି ମୁକତି

କେଉଁଠି ଜ୍ଞାନ ଭଣ୍ଡାର ।


ମୃଗୁଣୀ ସ୍ତୁତିରେ ମନ ବିଗଳିତ

ଗଣେଶ ବିଭୂତି ଝରେ

ବ୍ରହ୍ମଜ୍ଞାନ ଏକାକ୍ଷର ମଧ୍ୟେ ପୁଣି

ମୁକ୍ତିର ମାର୍ଗ ଯେ ଦିଶେ ।


ବ୍ରହ୍ମାଣ୍ତ ଭୂଗୋଳ ଭୂଗୋଳ ସହିତ

ସୃଷ୍ଟି ସର୍ଜନାର କଥା

ଭକତି, ମୁକତି, ଜ୍ଞାନ ଗାରିମାରେ

ଗ୍ରନ୍ଥ ତାଙ୍କ ହରା ଭରା ।


ସମାଜ ସୁଧାର କଥା ମହକରେ

ତାଙ୍କ ଗ୍ରନ୍ଥର ବାସୁ ଥାଏ

ଭକ୍ତି ଭାବନାର ଅମୀୟ ଧାରାରେ

ଗ୍ରନ୍ଥ ସଦା ଭାସୁଥାଏ । 


ଶ୍ରୀଚୈତନ୍ୟ ଭକ୍ତ ଭକତ ପ୍ରବର

ବଳରାମ ଦାସ ସିଏ

ଉକ୍ତି ଭାବନାରେ ତାଙ୍କ ମନୋଭୂମି

ସଦା ରୁଦ୍ଧିମନ୍ତ ଥାଏ ।


ପଣ୍ଡାଙ୍କ ବାରଣେ ପ୍ରଭୁ ଦରଶନେ

ନିରାଶ ହୋଇ ଫେରନ୍ତି

ବାଙ୍କି ମୁହାଣରେ ବାଲି ରଥ କରି

ଜଗନ୍ନାଥଙ୍କୁ ଡାକନ୍ତି ।


ଭକତ ବତ୍ସଳ ପ୍ରଭୁ ଜଗନ୍ନାଥ

ହୁଅନ୍ତି ଭାବେ ବିହ୍ଵଳ

ବାଲି ରଥେ ପ୍ରଭୁ ବିଜେ ଯେ କରନ୍ତି

ଛାଡ଼ି ଦେଇ ନୀଳାଚଳ ।


ଭକତ ପଣ୍ଡିତ ବଳରାମ ଦାସ

ପୀଠସ୍ଥଳ ସମଗରା

କାଳର କରାଳ ଛାୟାରେ ଆଜି ଯେ

ବିଲୁପ୍ତ ହେଉଛି ପରା ।


ଗୋଟିଏ ଯୁଗର ମୁଖ୍ୟ ପୁରୋଧା ସେ

ଅନନ୍ୟ ତାଙ୍କର କୀର୍ତ୍ତି

ସାଧନା ନିମଗ୍ନ ଏରବଙ୍ଗ ଗ୍ରାମେ

ହୋଇଲା ତାଙ୍କ ବିରତି ।


ଆଷାଢ଼ ମାସର ଶୁକ୍ଳ ତ୍ରୟୋଦଶୀ 

ସମାଧୀରେ ହେଲେ ଲୀନ

ପଞ୍ଚସଖା ଯୁଗ ମୁଖ୍ୟ ପୁରୋଧା ସେ

ଯୁଗ ପୁରୁଷ ମହାନ ।

     


ଏହି ବିଷୟବସ୍ତୁକୁ ମୂଲ୍ୟାଙ୍କନ କରନ୍ତୁ
ଲଗ୍ ଇନ୍

Similar oriya poem from Abstract