ଭିଜେଇ ଦେଇଯା ମୋତେ

ପ୍ରିୟା ....

ତୁମ ଆଖିର ଚାହାଣୀରେ

ବୋହି ଆସୁଥିବା ଦଲକାଏ ଦକ୍ଷୀଣା ପବନ,

ସ୍ଥିର ହୋଇଯାଏ ମୋ ଆଖି ସହ ଧକ୍କା ହେଲାପରେ ।

ଗୁମ୍ ସୁମ୍ ମନଭିତରେ

ସୃଷ୍ଟି ହୁଏ ଅଦିନିଆ ବତାସିର ସମ୍ଭାର ।

ହୃଦୟ ଖୋଜେନି ଆବାହନ,

ସିଏତ ଦରଦୀ ମେଘ ଖଣ୍ଡେ

ସ୍ପର୍ଶ ମାତ୍ରେ ବରଷି ଯାଏ ସରମରେ ।

ନବବଧୂର ଓଡ଼ଣୀ ଭଳି

ଯେତେ ସଂଜତ ହୋଇରହିଲେ ବି

ବାରମ୍ବାର ଖସିବା ଥୟ,

ଭିଜିବା ଥୟ ।

ଭିଜିବାକୁ ବି ଭଲଲାଗେ

ତୁମ ଓଢ଼ଣୀ ଛିଟ ଛତା ତଳେ ।

ବ୍ୟାକୁଳତ ବାଇଆ ମନଟା

ମୁଠାଏ ଉଷୁମ ଆଶ୍ଳେଷ ପାଇଁ ।

ପ୍ରିୟା !

ମୟୁର ଭଳି ପୁଚ୍ଛ ଖୋଲି

ନାଚିବାକୁ ଚାହେଁ ତୁମପାଇଁ,

ପ୍ରେମର ରଙ୍ଗରେ ଅବା 

ଟିପ୍ ଟିପ୍ ବର୍ଷାର ବିନ୍ଦୁରେ ।

ଭିଜେଇ ଦେଇଯା ମୋତେ,

ଭିଜେଇ ଦେଇଯା ।।