ଭଗବଦ ଜନିତ ଶତ୍ରୁ ପରମମିତ୍ର
ଭଗବଦ ଜନିତ ଶତ୍ରୁ ପରମମିତ୍ର
ରାବଣର ପାଇଁ ବିଭିଷଣ ଯେହ୍ନେ
ଲଭିଲା ଶ୍ରୀହରୀ ପୟର ,
ଅକ୍ରୁର ମହାତ୍ମା କଂସାସୁର ପାଇଁ
ଲଭିଲେ ଗୋବିନ୍ଦ ସୁନ୍ଦର, ସୁଜନେ ।
ବ୍ରହ୍ମାଙ୍କ ପାଇଁ ବ୍ରଜବାସୀ ।
ପୁତ୍ରରୂପେ ସର୍ବେ ପାଇଲେ ପ୍ରଭୁଙ୍କୁ
ଗୋମାତା, ଗୋପନାରୀ ମିଶି । ସୁଜନେ,
ବ୍ରହ୍ମାଙ୍କ ପାଇଁ ବ୍ରଜବାସୀ । ।୧। ।
ବିମାତା ଶତ୍ରୁରେ ଧ୍ରୁବ ବାଲ୍ୟକାଳେ
ପାଇଗଲେ ହରି ଦର୍ଶନ,
ମାନଗୋବିନ୍ଦ ଠୁଁ ଅପମାନ ପାଇ
ବିଦୁର ଲଭେ ଜନାର୍ଦ୍ଧନ, ସୁଜନେ
ହିରଣ୍ୟ ପାଇଁ ପ୍ରହଲ୍ଲାଦ ,
ପିତା ଶତ୍ରୁ ହେତୁ ପାଇଲା ହରିଙ୍କୁ
ଅକ୍ଳେଶେ ଲଭେ ମୋକ୍ଷ ପଦ, ସୁଜନେ .
ହିରଣ୍ୟ ପାଇଁ ପ୍ରହଲ୍ଲାଦ ।।୨।।
ପରାଭବଶାଳୀ ଅବା ବିତ୍ତଶାଳୀ
ବିଷୟା ରସରେ ରସିତ,
ସେହିଭଳି ମିତ୍ର ମିଳିଲେ କି ଲାଭ
ଭକ୍ତିରେ ନ ରହେ ଯା ଚିତ୍ତ, ସୁଜନେ ।
ଶତ୍ରୁ ଯେବେ ପ୍ରଭୁ ଭକତ ।
ସେହି ଜନଯଦି ଶତ୍ରୁତା ଆଚରେ
ପାଇବ ନିଶ୍ଚେ ନନ୍ଦସୁତ ,ସୁଜନେ ।
ଶତ୍ରୁ ଯେବେ ପ୍ରଭୂ ଭକତ । ।୩ ।।
ଦୁଷ୍ଟ ଜନଙ୍କର ସଦା ଦୁଷ୍ଟମତ୍ତି
ଭଗବତ ସ୍କୃତି ନ ହୁଏ,
ଭଗବଦଜନ ଶତ୍ରୁ ହେଲେ ସୁଦ୍ଧା
ଭଗବଦ ମାର୍ଗ ଦେଖାଏ, ସୁଜନେ ।
କାଳୀୟ ସେହି ପରକାର,
ଗରୁଡଙ୍କ ପାଇଁ ଲଭିଲା କୃଷ୍ଣଙ୍କୁ
ସର୍ପ ଜନ୍ମରୁ ହେଲା ପାର, ସୁଜନେ ।
କାଳୀୟ ସେହି ପରକାର । ।୪।।