ଭଗବାନଙ୍କ ପାଦ ଚିହ୍ନ

ହେ ଭଗବାନ, ଶୁଣିଛି ଆପଣ 

ଦୁଷ୍ଟକୁ ନାଶିବାକୁ ଶିଷ୍ଟକୁ ପାଳିବାକୁ 

ହୁଅନ୍ତି ଧରାଵତରଣ।

ସତ କହିବେ ଆପଣ କେଉଁ ରଙ୍ଗର 

ପିନ୍ଧନ୍ତି ଅଙ୍ଗର ବସନ ?

ପିତ, ଶ୍ୱେତ ନା ଗାଢ଼ ସବୁଜ।

ଆପଣ କିଛି ବହି ବାଣ୍ଟିଥିଲେ କି ?

ସେ ବହିର ପୃଷ୍ଠା ପରେ ପୃଷ୍ଠାର 

ଭୁଲ୍ ବ୍ୟାଖ୍ୟାନ କରୁଛି ମାନବ ନିତିଦିନ।

କେଉଁ ଜିନିଷ ଆପଣଙ୍କର ପ୍ରିୟ ?

ଭକ୍ତି ନା ଧର୍ମ ନାମରେ ବଳି 

ଆପଣଙ୍କ ନାଁ ତ ବିକ୍ରି ହେଉଛି ବଜାରେ।

କୁହନ୍ତୁ ତ ଆପଣଙ୍କ ଅନୁଗାମୀ 

କାହିଁକି ଦୂରେଇ ଗଲେ ଆପଣଙ୍କ

ଦ୍ୱାରା ଦିଆ ଯାଇଥିବା ମୁକ୍ତ ସିଦ୍ଧାନ୍ତରୁ ।

କେଉଁଠି ଆପଣ ଥାପିଥିଲେ 

ପ୍ରଥମେ ନିଜର ପାଦ ଯୁଗଳକୁ ?

ଦେଖିବାକୁ ଚାହେଁ ଆପଣ ଏକ ନା ଅନେକ।