ଭବ୍ୟ ଦୀପାବଳି

ଜାଳିଦିଅ ପ୍ରଭୁ ପ୍ରେମର ପ୍ରଦୀପ

ମୋ ହୃଦୟ ମନ୍ଦିରରେ

ଶତ ଶୁଭେଚ୍ଛାର ଭାଷା ଫୁଟିଉଠୁ 

ଜୀବନର ସାତ ସୁରେ ll

ଚର୍ମ ଚକ୍ଷୁ ମୋର ଦୀପ୍ତିମନ୍ତ ହେଉ

ତୁମ ଲୀଳା ଖେଳା ଦେଖି

ଚିନ୍ତା ଚେତନାରେ ଚମକ ଖେଳାଇ

ତୁମ ଛବି ଦେବି ଆଙ୍କି ll

ଲକ୍ଷେ ଦୀପାଳିରେ ଆଶାର ଆଲୋକେ 

ଆଜ୍ଞାନ ତମସା ଫେଇ

ଉନ୍ମୁକ୍ତ କରୁଏ ମାନବ ପରାଣ

ନିବିଡ଼ ଆଶ୍ଳେଷ ନେଇ ll

ନବ୍ୟ ଚେତନାରେ ଏ ସାରା ସଂସାରେ

ଦୁଃଖ କଷ୍ଟ ଦୂର ହେଉ

ଅସତ୍ୟ ଉପରେ ସତ୍ୟର ବିଜୟ

ଏହି ମନ୍ତ୍ର ଶ୍ରେଷ୍ଠ ହେଉ ll

ଯୁଦ୍ଧ ବିଭୀଷିକା ହେଇଯାଉ ଦୂର

ଶାନ୍ତି ଫେରିଆସୁ ମର୍ତ୍ତ୍ୟେ

କେତେଯେ ପରାଣ ମାଟିର ଗର୍ଭରେ

ମିସିଲେଣି ନିମିଷକେ ll

ଘୋର ଦୁଃସମୟ ମାଡିଆସୁଅଛି

ମହା ବିପତ୍ତିର ଧାରା

ଉଦ୍ଧାର କର ହେ ଜଗତ ଠାକୁର 

ରକ୍ଷା ପାଉ ଏଇ ଧରା ll

ସବୁରି ଅନ୍ତରେ ଭରିଦିଅ ପ୍ରଭୁ

ମାନବୀୟ ମହାମନ୍ତ୍ର

ଭବ୍ୟ ଦୀପାବଳି ଏତିକି ଶିଖାଉ

ମନ କରି ଆଲୋକିତ ll