ଭାରି ଭଲ ଲାଗେ ତୁମ ମିଠା ଅନୁଭବ

ତୁମ ସଙ୍ଗେ ମୋ ଜୀବନ କେତେ ପ୍ରୀତି ଭିଜା 

ଭାରି ମିଠା ଲାଗେ ସତେ ତୁମ ଥଟ୍ଟା ମଜା !

ମୁହଁକୁ ଫୁଲାଏ ଯେବେ ଅଭିମାନେ କେବେ

ମଜାଳିଆ କଥା କହି ତୋଷିଥାଅ ତେବେ ।

ସେ ବଚନେ ଥାଏ କେତେ ଆପଣାର ଭାବ

ତୋଳି ଦିଏ ତନୁ ମନେ ମିଠା ଅନୁଭବ ।

ଧସେଇ ବି ପଶେ ନାହିଁ ଦୁଃଖ ମନ ତଳେ

ଉଛୁଳୁଥାଏ ସର୍ବଦା ଖୁସିର କଲ୍ଲୋଳେ ।

ସମ୍ପର୍କେ ନଥାଏ କେବେ ଫାଟ କି ପ୍ରଲେପ

ଆଲୋକ ବିତରି ସତେ ଦୁହେଁ ଦୁଇ ଦୀପ ।

ସାଥୀ ହୋଇ ଚାଲିବାକୁ ନେଇଛେ ଶପଥ

ଥଟ୍ଟା ମଜା ନଥିଲେ କି ଗଡୁଥାନ୍ତା ରଥ ?