Library
Profile
ଭାରି ଭଲ ଲାଗେ ମୋତେ
ଭାରି ଭଲ ଲାଗେ ମୋତେ
ଭାରି ଭଲ ଲାଗେ ମୋତେ ଯେବେ
ମୋ ସଙ୍ଗେ ତୁ ହେଉ କଥା ।
ସେ ଦିନ ଭଲରେ ମୋ ବିତଇ
ଯେଉଁ ଦିନ ତୋ ସଙ୍ଗେ ମୋ ହୁଏ ଦେଖା ।।
ଭାରି ଭଲ ଲାଗେ ମୋତେ ଯେବେ
ମୋ ଦୁଃଖରେ ତୁ ହେଉ ଦୁଃଖୀ ।
ମନରେ ମୋ ହସ ଫୁଟଇ
ମୋ ସୁଖରେ ତୁ ହେଲେ ସୁଖୀ ।।
ଭାରି ଭଲ ଲାଗେ ମୋତେ ତୋ
ମୋ ସାଇକେଲରେ ବସି ସ୍କୁଲକୁ ଯିବା ।
ଖାଇବା ଛୁଟିରେ ଦୁହେଁ ମିଶି
ନେଇଥିବା ଟିଫିନ ବାଣ୍ଟି ଖାଇବା ।।
ଭାରି ଭଲ ଲାଗେ ମୋତେ ତୋ
ପାର୍ଥନା ସଭାରେ ପାର୍ଥନା ଗାଇବା ।
ଯୋଗ ସଭାର ସେ ଓଁକାର ଶବ୍ଦ
ଜାତୀୟ ଦିବସରେ ଭାଷଣ ଦେବା ।।
ଭାରି ଭଲ ଲାଗେ ମୋତେ ଶ୍ରେଣୀରେ
ଯେବେ ତୁ ବସିଥାଉ ମୋ ପାଖେ ।
ଆସୁନଥିବା ପ୍ରଶ୍ନର ଉତ୍ତରକୁ
ତୋ ଖାତାରୁ ମୁଁ ଟିପି ଲେଖେ ।।
ଭାରି ଭଲ ଲାଗେ ମୋତେ ଯେବେ ଶ୍ରେଣୀରେ
ତୁ ସାରଙ୍କ ପ୍ରଶ୍ନର ସଠିକ୍ ଉତ୍ତର ଦେଉ ।
ବିଦ୍ୟାଳୟ ପ୍ରତିଯୋଗିତା ଗୁଡିକରେ
ଭାଗ ନେଇ ପୁରସ୍କୃତ ହେଉ ।।
ଭାରି ଭଲ ଲାଗେ ମୋତେ ଯେବେ ପୂଜାରେ
ସ୍କୁଲ ଅଗଣାରେ ପକାଉ ତୁ ଝୋଟି ।
ବଢି ଭୋରୁ ଉଠି ଫୁଲ ତୋଳି
ସୁନ୍ଦର ଫୁଲମାଳ ଆଣିଥାଉ ଗୁନ୍ଥି ।।
ଭାରି ଭଲ ଲାଗେ ମୋତେ ଯେବେ
ସାର ପ୍ରଶଂସା କରନ୍ତି ତୋର ।
ପୁଣି ବିଦ୍ୟାଳୟରେ ଡେରି ହେଲେ
ଛାଡିଦେବାକୁ ଯାଏ ମୁଁ ତୁମ ଘର ।।
ଭାରି ଭଲ ଲାଗେ ମୋତେ ଯେବେ
ମୋ କୃତିତ୍ଵ ପାଇଁ ତୁ ମାରିଥାଉ ତାଳି ।
କାହା ସଙ୍ଗେ ଯଦି ମୋର ହୁଏ ଝଗଡା
ମୋ ସପକ୍ଷ ନେଇ ତା ସଙ୍ଗେ ତୁ କଲେ କଳି ।।
ଭାରି ଭଲ ଲାଗେ ମୋତେ ଯେବେ
ତୋ ପାଇଁ କିଛି କରିବାକୁ ସୁଯୋଗ ମିଳେ ।
ପଡୁ ପଛେ ଯେତେ କଷ୍ଟ ନା କାହିଁକି
ସେ କାମ କରିବାକୁ ମନ ମୋର ବଳେ ।।
