ନାଲି ରଙ୍ଗ
ନାଲି ରଙ୍ଗ
ବ୍ରଜନାରୀ ସହ ଗୋପବାଳକ
ମିଳିମିଶି କୁଞ୍ଜବନେ ଖୋଜିଲେ
ରାଈ କିଶୋରୀକୁ ନପାଇ ଯେଣୁ
କଳାକାହ୍ନୁ ପଦେ ଶରଣ ଗଲେ।।
ହଟିଆ ନାଗର ହଟ କରିଛି
ରାଈ କିଶୋରୀ ଲୁଚାଇ ରଖିଛି
ସତେ ରାଧାରାଣୀ ସେଇଠି ଅଛି
କା ଆଖି ନଜର ନ ପଡେ ସେଠି।।
ପିଚକାରୀ ଧରି ରଙ୍ଗ ଭରିଲେ
ଶ୍ୟାମ ସଙ୍ଗ ହୋଇ ଘୁରି ବୁଲିଲେ
ଗୋପ ନଗରରେ କୁଞ୍ଜବନରେ
ରାଈ କିଶୋରୀ ଅଧିର ହୋଇଲେ।।
ଅବିର ରଙ୍ଗରେ ରଙ୍ଗେଇ ହୋଇ
କଳାକାହ୍ନୁ ସହ ଗେହ୍ଲା ହୋଇଲେ
ରଙ୍ଗ ପିଚକାରି ମାରି ଧରିଲେ
ବାଜା ବାଜିଉଠେ ଗୋପ ନଅରେ।।
ରଙ୍ଗ ଖେଳନ୍ତି ରାଈ ଦାମୋଦର
ଆହା କି ସୁନ୍ଦର ଶୋଭା ଅପାର
ସାନବଡ଼ ଭୁଲି ହୋଇ କୋଳାକୋଳି
ରସିକ ନାଗର ଖେଳନ୍ତି ହୋଲି।।