ବୟସ୍ମା ପ୍ରେମ

ସେଦିନ ଭାସି ବୁଲୁଥିଲା

ତୁମ ମୁହଁ ରେ

ଭସା ବାଦଲ ର ଲାଲିମା ।

ଆଜି ଲାଲିମାର ଲାଲି ନାହିଁ ସତ,

ଅଛି ରୂପା ଥାଳିଆ ଜହ୍ନର ଜୋଛନା।

ତମେ ଆଉ ମୁଁ ସେଦିନ 

ନିର୍ଜନ ବେଳା...!

ତମ ପାଦର ନୂପର ରୁଣୁ ଝୁଣୁ

ମନ ଖୁସୀରେ ପୁରି ଉଠୁଥିଲା ।

ଆଜି,ବି ନିର୍ଜନ,ଏକାନ୍ତ ସମୟ ଅଛି

ତମ ଥୁରୁଥୁରୁ ହାତର ଚାହା କପ୍ ର

ମହକରେ ମୁଁ ଏବେବି ମତୁଆଲା,

ମୋ ବୟସ୍କ ମନ ହେଇଉଠେ ଚଗଲା।

ପ୍ରେମର ବୟସ! ସେତ ସବୁବେଳେ ଜବାନ

ଜୀବନ ତମାମ୍।

ତମ ଫିସ୍ ଫିସ୍ କଥା ସେଦିନର ବୁଝି ପାରୁଥିଲି ,

ଏବେତ ଆହୁରି ଅସ୍ପଷ୍ଟ,

ତଥାପି ,ବୁଝିବାରେ ଭୁଲ୍ ହୁଏନା

ବୟସ ବଢିଚାଲୁଥୀଲେବି

ଆମ ପ୍ରେମ କମ୍ ହୁଏନା ।

ଏତ ବଢୁଛି ଦିନକୁ ଦିନ

 ରଙ୍ଗୀନ ପ୍ରଜାପତିର ଡେଣା ମେଲେଇ,

ତମେ ଯାଣିଛ ,ମୁଁ ଯାଣିଛି

ଆମ ଶେଷ ଦିନ ଆସୁଛି ପାଖେଇ ।